ਸਿਪਾਹੀ ਜਨਰਲ ਡਿਊਟੀ ਲਈ 71, ਸਿਪਾਹੀ ਕਲਰਕ ਲਈ 3 ਅਤੇ ਸਿਪਾਹੀ ਕੁੱਕ ਦੀ 1 ਆਸਾਮੀ ਲਈ ਹੋਵੇਗੀ ਭਰਤੀ
ਲੁਧਿਆਣਾ 26 ਫ਼ਰਵਰੀ: (ਸਤਪਾਲ ਸੋਨੀ) ਮੇਜਰ ਗੌਰਵ ਏ ਪਗਨਿਸ ਕਮਾਂਡਿੰਗ ਅਫ਼ਸਰ ਨੇ ਦੱਸਿਆ ਕਿ 152 ਥਲ ਸੈਨਾ (ਪ੍ਰਦੇਸ਼ਿਕ ਸੈਨਾ) ਦੀ ਭਰਤੀ ਰੈਲੀ 5 ਮਾਰਚ, 2013 ਨੂੰ ਕੈਂਪ ਗਰਾਊਂਡ ਕੰਪਲੈਕਸ (ਮਿਲਟਰੀ ਏਰੀਆ) ਨੇੜੇ ਜਗਰਾਉਂ ਪੁਲ, ਲੁਧਿਆਣਾ ਵਿਖੇ ਕੀਤੀ ਜਾ ਰਹੀ ਹੈ। ਉਹਨਾਂ ਦੱਸਿਆ ਕਿ ਇਸ ਭਰਤੀ ਰੈਲੀ ‘ਚ ਪੰਜਾਬ, ਹਿਮਾਚਲ-ਪ੍ਰਦੇਸ਼, ਜੰਮੂ-ਕਸ਼ਮੀਰ, ਹਰਿਆਣਾ, ਦਿੱਲੀ ਅਤੇ ਯੂ.ਟੀ ਚੰਡੀਗੜ• ਦੇ ਨੌਜਵਾਨ 5 ਮਾਰਚ ਨੂੰ ਸਵੇਰੇ 7 ਵਜੇ ਤੋਂ ਲੈ ਕੇ ਭਾਗ ਲੈ ਸਕਦੇ ਹਨ। ਮੇਜਰ ਗੌਰਵ ਏ ਪਗਨਿਸ ਨੇ ਅੱਗੇ ਦੱਸਿਆ ਕਿ ਇਸ ਭਰਤੀ ਰੈਲੀ ‘ਚ ਸਿਪਾਹੀ ਜਨਰਲ ਡਿਊਟੀ ਲਈ 71 ਆਸਾਮੀਆਂ, ਸਿਪਾਹੀ ਕਲਰਕ ਲਈ 3 ਅਤੇ ਸਿਪਾਹੀ ਕੁੱਕ ਦੀ ਕੇਵਲ 1 ਆਸਾਮੀ ਲਈ ਭਰਤੀ ਕੀਤੀ ਜਾਵੇਗੀ।
Post a Comment