ਪ੍ਰੇਮੀ ਨਾਲ ਮਿਲ ਕੇ ਪਤਨੀ ਨੇ ਹੀ ਕੀਤਾ ਸੀ ਪਤੀ ਦਾ ਕਤਲ

ਮੋਗਾ 5 ਫਰਵਰੀ (ਸਵਰਨ ਗੁਲਾਟੀ):ਚਾਰ ਸਾਲ ਪਹਿਲਾ ਭੇਦਭਰੀ ਹਾਲਤ ਵਿੱਚ ਗੁੰਮ ਹੋਏ ਪਿੰਡ ਭਾਗੀਕੇ ਦੇ ਪਾਲ ਸਿੰਘ  ਪੁੱਤਰ ਕਰਨੈਲ  ਸਿੰਘ ਦੇ ਗੁੱਝੇ ਭੇਦ ਤੋਂ ਆਖਿਰ ਥਾਣਾ ਨਿਹਾਲ ਸਿੰਘ ਵਾਲਾ ਦੀ ਪੁਲਿਸ ਪਰਦਾ ਚੁਕਦਿਆ ਉਸਦੀ ਪਤਨੀ ਅਤੇ ਪਤਨੀ ਦੇ ਆਸਿਨ ਦੀ ਨਿਸਾਨਦੇਹੀ ਤੇ ਉਸਦੀ ਪਿੰਡ ਦੇ ਛੱਪੜ ਦੇ ਕਿਨਾਰੇ ‘ਚੋ ਗਲੀ ਸੜੀ ਲਾਸ ਨੂੰ ਬਰਾਮਦ ਕਰ ਲਿਆ ।  ਪਤਨੀ ਵੱਲੋਂ ਹੀ ਆਪਣੇ ਪ੍ਰੇਮੀ ਨਾਲ ਮਿਲ ਕੇ ਪਤੀ ਨੂੰ ਕਤਲ ਕੀਤਾ ਗਿਆ ਸੀ । ਪੁਲਿਸ ਸੂਤਰਾਂ ਅਨੁਸਾਰ ਕਰਨੈਲ ਸਿੰਘ ਪੁੱਤਰ ਗੁਰਮੱਖ ਸਿੰਘ ਵਾਸੀ ਭਾਗੀਕੇ ਦਾ ਪੁੱਤਰ ਪਾਲ ਸਿੰਘ ਕਰੀਬ ਚਾਰ ਸਾਲਾਂ ਤੋਂ ਲਾਪਤਾ ਸੀ। ਜਿਸ ਦੀ ਲੰਬੀ ਭਾਲ ਤੋਂ ਬਾਅਦ ਪੁਲਿਸ ਥਾਣਾ ਨਿਹਾਲ ਸਿੰਘ ਵਾਲਾ ਨੂੰ ਸੂਚਿਤ ਕੀਤਾ ਗਿਆ ਸੀ। ਸਕਾਇਤ ਕਰਤਾ  ਕਰਨੈਲ ਸਿੰਘ ਵੱਲੋਂ ਨੇ ਆਪਣੀ ਰਿਪੋਰਟ ਵਿੱਚ  ਆਪਣੀ ਹੀ ਨੂੰਹ ਚਰਨਜੀਤ ਕੌਰ ਪਤਨੀ ਗੁੰਮਸ਼ੁਦਾ ਪਾਲ ਸਿੰਘ ਦੇ ਚਰਿੱਤਰ ਤੇ ਸ਼ੱਕ ਹੋਣ ਕਰਕੇ ਇੱਕ ਹਰਦੇਵ ਸਿੰਘ ਵਾਸੀ ਭਾਗੀਕੇ ਨਾਮ ਦੇ ਵਿਆਕਤੀ ਖਿਲਾਫ ਨਜਾਇਜ਼ ਸਬੰਧਾਂ ਦੇ ਦੋਸ਼ ਲਗਾਏ ਗਏ ਸਨ। ਜਿਸ ਤੇ ਚੱਲਦਿਆਂ ਪੁਲਿਸ ਵੱਲੋਂ ਚਰਨਜੀਤ ਕੌਰ ਅਤੇ ਉਸਦੇ ਪ੍ਰੇਮੀ ਹਰਦੇਵ ਸਿੰਘ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਸੀ। ਦੋਨ•ਾਂ ਦੋਸ਼ੀਆਂ ਦੇ ਪੁਲਿਸ ਰਿਮਾਂਡ ਉਪਰੰਤ ਪੁੱਛਗਿੱਛ ਦੌਰਾਨ ਪਤਾ ਲੱਗਾ ਕਿ ਚਰਨਜੀਤ ਕੌਰ ਨੇ ਆਪਣੇ ਪ੍ਰੇਮੀ ਹਰਦੇਵ ਸਿੰਘ ਨਾਲ ਮਿਲ ਕੇ ਆਪਣੇ ਪਤੀ ਪਾਲ ਸਿੰਘ ਨੂੰ ਜਾਨੋ ਮਾਰ ਕੇ ਪਿੰਡ ਦੇ ਇੱਕ ਛੱਪੜ ਕਿਨਾਰੇ ਲਾਸ਼ ਨੂੰ ਦੱਬ ਦਿੱਤਾ ਗਿਆ ਸੀ। ਜਿੱਥੋ ਕਿ ਥਾਣਾ ਮੁਖੀ ਰਛਪਾਲ ਸਿੰਘ ਸੰਧੂ ਅਤੇ ਪੁਲਿਸ ਪਾਰਟੀ ਵੱਲੋਂ ਤਹਿਸੀਲਦਾਰ ਆਤਮਾ ਸਿੰਘ ਦੀ ਹਾਜ਼ਰੀ ਵਿਚ ਲਾਸ਼ ਦੇ ਕੁਝ ਹਿੱਸੇ ਬਰਾਮਦ ਕਰ ਲਏ ਗਏ। ਨਰੇਗਾ ਮਜ਼ਦੂਰਾਂ ਵੱਲੋਂ ਛੱਪੜ ਦੀ ਖੁਦਾਈ ਕੀਤੇ ਜਾਣ ਕਰਕੇ ਬੇਸ਼ੱਕ ਮ੍ਰਿਤਕ ਦਾ ਪੂਰਾ ਪਿੰਜਰ ਬਰਾਮਦ ਨਹੀਂ ਹੋ ਸਕਿਆ ਪ੍ਰੰਤੂ ਘਟਨਾ ਸਥਾਨ ਤੋਂ ਮ੍ਰਿਤਕ ਦਾ ਕੜਾ, ਸਾਫਾ, ਕੁਝ ਹੱਡੀਆਂ ਅਤੇ ਦੰਦ ਬਰਾਮਦ ਕੀਤੇ ਗਏ। ਜਿਸ ਦੌਰਾਨ ਸ਼ਿਕਾਇਤ ਕਰਤਾ  ਕਰਨੈਲ ਸਿੰਘ ਅਤੇ ਉਸਦੇ ਦੂਸਰੇ ਬੇਟੇ ਮੰਗਲ ਸਿੰਘ ਵੱਲੋਂ ਮ੍ਰਿਤਕ ਦੇ ਕੜੇ ਅਤੇ ਸਾਫੇ ਦੀ ਪਹਿਚਾਣ ਕੀਤੀ ਗਈ। ਉਕਤ ਕੇਸ ਦੀ ਪੁਲਿਸ ਥਾਣਾ ਨਿਹਾਲ ਸਿੰਘ ਵਾਲਾ ਵੱਲੋਂ ਹੋਰ ਵੀ ਗਹਿਰਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਮੌਕੇ ਏ.ਐਸ.ਆਈ. ਭਾਗਮੱਲ,  ਸਮੇਤ ਸਰਪੰਚ ਹਰਪ੍ਰੀਤ ਸਿੰਘ, ਪਟਵਾਰੀ ਅਮਨਦੀਪ ਸਿੰਘ, ਜੱਥੇਦਾਰ ਮੁਖਤਿਆਰ ਸਿੰਘ ਭਾਗੀਕੇ, ਰਣਜੀਤ ਸਿੰਘ ਭਾਗੀਕੇ, ਪੰਚ ਜਗਰਾਜ ਸਿੰਘ, ਦਲਜੀਤ ਸਿੰਘ ਅਤੇ ਕੇਵਲ ਸਿੰਘ ਮਿੱਠੂ ਆਦਿ ਸਮੇਤ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜ਼ਰ ਸਨ।