ਜਥੇਬੰਦੀ ਵਲੋਂ ਰਾਜ ਭਰ ‘ਚ ਮੁੜ ਖਾੜਕੂ ਅੰਦੋਲਨ ਲੜਿਆ ਜਾਵੇਗਾ

ਮਾਨਸਾ 24ਫਰਵਰੀ (ਸਫਲਸੋਚ )  ਈ.ਟੀ.ਟੀ. ਟੀਚਰਜ਼ ਯੂਨੀਅਨ ਪੰਜਾਬ ਨੇ ਐਲਾਨ ਕੀਤਾ ਹੈ ਕਿ ਜੇਕਰ 2 ਮਾਰਚ ਨੂੰ ਚੰਡੀਗੜ• ਵਿਖੇ ਮੁੱਖ ਮੰਤਰੀ ਨਾਲ ਹੋ ਰਹੀ ਮੀਟਿੰਗ ਦੌਰਾਨ ਪੰਚਾਇਤੀ ਰਾਜ ਅਤੇ ਨਗਰ ਕੌਸਲ ਨਾਲ ਸਬੰਧਤ ਸਕੂਲਾਂ ਨੂੰ ਸਿੱਖਿਆ ਵਿਭਾਗ ਵਿਚ ਸ਼ਾਮਲ ਕਰਨ ਦਾ ਕੋਈ ਸਾਰਥਕ ਹੱਲ ਨਾ ਲੱਭਿਆ ਤਾਂ ਜਥੇਬੰਦੀ ਵਲੋਂ ਰਾਜ ਭਰ ‘ਚ ਮੁੜ ਖਾੜਕੂ ਅੰਦੋਲਨ ਲੜਿਆ ਜਾਵੇਗਾ। ਅੱਜ ਮਾਨਸਾ ਵਿਖੇ ਸੂਬਾਈ ਲੀਡਰਸ਼ਿਪ ਦੀ ਅਗਵਾਈ ਵਿਚ ਹੋਈ ਜੋਨ ਪੱਧਰੀ ਕਨਵੈਨਸ਼ਨ ਨੂੰ ਸੰਬੋਧਨ ਕਰਦਿਆਂ ਬੁਲਾਰਿਆਂ ਨੇ ਸਖ਼ਤ ਰੋਸ ਜ਼ਾਹਿਰ ਕੀਤਾ ਕਿ ਪੰਜਾਬ ਭਰ ਦੇ ਈ.ਟੀ.ਟੀ ਅਧਿਆਪਕ ਪਿਛਲੇ ਸੱਤ ਸਾਲਾਂ ਤੋਂ ਆਪਣੇ ਇਸ ਹੱਕੀ ਸੰਘਰਸ਼ ਲਈ ਲੜ ਰਹੇ ਹਨ, ਪਰ ਅਕਾਲੀ-ਭਾਜਪਾ ਹਕੂਮਤ ਨੇ ਕੀਤੇ ਵਾਅਦੇ ਮੁਤਾਬਕ ਅਧਿਆਪਕਾਂ ਦਾ ਇਹ ਅਹਿਮ ਮਸਲਾ ਹੱਲ ਨਹੀਂ ਕੀਤਾ। ਜਥੇਬੰਦੀ ਦੇ ਸੂਬਾਈ ਪ੍ਰਧਾਨ ਜਗਸੀਰ ਸਹੋਤਾ ਅਤੇ ਜਨਰਲ ਸਕੱਤਰ ਹਰਦੀਪ ਸਿੰਘ ਸਿੱਧੂ ਨੇ ਦੋਸ਼ ਲਾਇਆ ਕਿ ਪੰਚਾਇਤੀ ਰਾਜ ਨਾਲ ਸਬੰਧਤ 5752 ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਨੂੰ ਚਲਾਉਣ ਲਈ ਸਰਕਾਰ ਅਤੇ ਵਿਭਾਗ ਵਲੋਂ ¦ਬੇ ਅਰਸੇ ਬਾਅਦ ਵੀ ਕੋਈ ਨੀਤੀ ਨਹੀਂ ਅਪਣਾਈ ਗਈ, ਜਿਸ ਕਾਰਨ ਜਿੱਥੇ ਸੂਬੇ ਭਰ ਦੇ 13000 ਈ.ਟੀ.ਟੀ ਅਧਿਆਪਕਾਂ ਦਾ ਵੱਡਾ ਨੁਕਸਾਨ ਹੋ ਰਿਹਾ ਹੈ, ਉਥੇ ਇਨ•ਾਂ ਸਕੂਲਾਂ ਵਿਚ ਪੜ•ਦੇ ਲੱਖਾਂ ਬੱਚਿਆਂ ਦਾ ਭਵਿੱਖ ਦਾਅ ‘ਤੇ ਲੱਗਿਆ ਹੋਇਆ ਹੈ, ਜਿਸ ਕਾਰਨ ਹੁਣ ਜਥੇਬੰਦੀ ਚੁੱਪ-ਚਪੀਤੇ ਹਾਕਮ ਧਿਰਾਂ ਦੀਆਂ ਟਾਲ-ਮਟੋਲ ਨੀਤੀਆਂ ਅੱਗੇ ਨਹੀਂ ਝੁੱਕੇਗੀ, ਸਗੋਂ ਹਕੂਮਤਾਂ ਵਿਰੁੱਧ ਸਿੱਧੀ ਲੜਾਈ ਲੜਦਿਆਂ ਆਪਣੀ ਹੱਕੀ ਮੰਗ ਨੂੰ ਪੂਰਾ ਕਰਵਾਇਆ ਜਾਵੇਗਾ। ਉਨ•ਾਂ ਕਿਹਾ ਕਿ ਬੇਸ਼ੱਕ ਦੋ ਮਾਰਚ ਨੂੰ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨਾਲ ਹੋ ਰਹੀ ਮੀਟਿੰਗ ਦੌਰਾਨ ਈ.ਟੀ.ਟੀ ਅਧਿਆਪਕਾਂ ਨੂੰ ਕੋਈ ਠੋਸ ਹੱਲ ਨਿਕਲਣ ਦੀ ਆਸ ਹੈ, ਪਰ ਇਸਦੇ ਬਾਵਜੂਦ ਪੰਚਾਇਤੀ ਵਿਭਾਗ ਦੇ ਡਾਇਰੈਕਟਰ ਇਸ ਮੀਟਿੰਗ ਨੂੰ ਤਾਰਪੀਡੋ ਕਰਨ ‘ਤੇ ਲੱਗੇ ਹੋਏ ਹਨ, ਜਿਸ ਨੂੰ ਕਿਸੇ ਵੀ ਸੂਰਤ ਵਿਚ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਕਨਵੈਨਸ਼ਨ ਦੌਰਾਨ ਸ਼ਾਮਲ ਫਿਰੋਜ਼ਪੁਰ ਜ਼ਿਲ•ੇ ਦੇ ਪ੍ਰਧਾਨ ਦਵਿੰਦਰ ਸੰਘਾ, ਮੁਕਤਸਰ ਜ਼ਿਲ•ੇ ਦੇ ਰਣਜੀਤ ਸਿੰਘ ਭਲਾਈਆਣਾ, ਪਟਿਆਲਾ ਦੇ ਕੁਲਦੀਪ ਸਿੰਘ ਪਟਿਆਲਵੀ, ਜ¦ਧਰ ਦੇ ਕੇਵਲ ਸਿੰਘ, ਫਤਿਹਗੜ• ਸਾਹਿਬ ਦੇ ਰਣਧੀਰ ਬੈਣਾ, ਨਗਰ ਕੌਸਲ ਅਧਿਆਪਕਾਂ ਵਲੋਂ ਗੁਰਜੰਟ ਸਿੰਘ ਬਰਨਾਲਾ, ਬਠਿੰਡਾ ਗੁਰਮੁੱਖ ਸਿੰਘ ਨਥਾਣਾ ਨੇ ਕਿਹਾ ਕਿ ਕਾਂਗਰਸ ਸਰਕਾਰ ਵਲੋਂ 2006 ਵਿਚ ਪੰਚਾਇਤੀ ਵਿਭਾਗ ਅਧੀਨ ਸ਼ਾਮਲ ਕੀਤੇ ਗਏ 5752 ਸਕੂਲਾਂ ਦਾ ਤਜ਼ਰਬਾ ਬੁਰੀ ਤਰ•ਾਂ ਫਲਾਪ ਸਿੱਧ ਹੋਇਆ ਹੈ, ਜਿਸ ਕਰਕੇ ਜੇਕਰ ਇਨ•ਾਂ ਸਕੂਲਾਂ ਨੂੰ ਸਿੱਖਿਆ ਵਿਭਾਗ ਅਧੀਨ ਨਾ ਲਿਆਂਦਾ ਗਿਆ ਤਾਂ ਇਸ ਤਜ਼ਰਬੇ ਦੇ ਹੋਰ ਖ਼ਤਰਨਾਕ ਨਤੀਜੇ ਸਾਹਮਣੇ ਆਉਣਗੇ ਅਤੇ ਦੂਜੇ ਬੰਨ•ੇ ਈ.ਟੀ.ਟੀ ਅਧਿਆਪਕਾਂ ਦਾ ਸਰਕਾਰ ਨਾਲ ਵੱਡਾ ਟਕਰਾ ਹੋਵੇਗਾ। ਜਥੇਬੰਦੀ ਦੇ ਸੀਨੀਅਰ ਮੀਤ ਪ੍ਰਧਾਨ ਦਵਿੰਦਰ ਸਿੰਘ ਰਹਿਲ, ਤੇਜਿੰਦਰ ਸਿੰਘ ਸੰਗਰੂਰ ਨੇ ਕਿਹਾ ਕਿ ਪੰਚਾਇਤੀ ਵਿਭਾਗ ਵਲੋਂ ਪਿਛਲੇ ¦ਬੇ ਸਮੇਂ ਤੋਂ ਹੋਰ ਤਾਂ ਹੋਰ 4-9-14, ਸੀ.ਪੀ.ਐਫ ਅਤੇ ਹੋਰ ਅਹਿਮ ਮਸਲੇ ਵੀ ਹੱਲ ਨਹੀਂ ਹੋਏ, ਜਿਸ ਕਾਰਨ ਅਧਿਆਪਕਾਂ ਵਿਚ ਭਾਰੀ ਰੋਹ ਹੈ। ਉਧਰ ਜਥੇਬੰਦੀ ਵਲੋਂ ਰਾਜ ਭਰ ਵਿਚ ਆਪਣੇ ਜਥੇਬੰਦਕ ਢਾਂਚੇ ਨੂੰ ਹੋਰ ਮਜ਼ਬੂਤ ਕਰਨ ਦਾ ਅਹਿਮ ਨਿਰਣਾ ਵੀ ਲਿਆ ਗਿਆ, ਜਿਸ ਦੀ ਕੜੀ ਵਜੋਂ ਅੱਜ ਮਾਲਵਾ ਜ਼ੋਨ ਦੀ ਭਰਵੀਂ ਕਨਵੈਨਸ਼ਨ ਦੌਰਾਨ ਸੰਘਰਸ਼ਸ਼ੀਲ ਸਾਥੀ ਜਸਵੰਤ ਸੈਣੀ ਨੂੰ ਮਾਲਵਾ ਜ਼ੋਨ ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ। ਇਸ ਕਨਵੈਨਸ਼ਨ ਦੌਰਾਨ ਪੰਚਾਇਤੀ ਵਿਭਾਗ ਦੇ ਡਾਇਰੈਕਟਰ ਵਿਰੁੱਧ ਭਰਵਾਂ ਰੋਸ ਜ਼ਾਹਿਰ ਵੀ ਕੀਤਾ। ਇਸ ਮੌਕੇ ਅਕਬਰ ਸਿੰਘ ਬੱਪੀਆਣਾ, ਜਸਵੀਰ ਸਿੰਘ ਖੁਡਾਲ, ਬਲਵਿੰਦਰ ਭੀਖੀ, ਸੁਦਰਸ਼ਨ ਰਾਜੂ, ਅਮਰਜੀਤ ਭੁੱਲਰ, ਰਾਜਵਿੰਦਰ ਖੱਤਰੀਵਾਲਾ, ਜਗਤਾਰ ਸਿੰਘ ਮੀਰਪੁਰ,ਨਰਿੰਦਰ ਨਿੰਦੀ, ਅੰਗਰੇਜ ਸਾਹਨੇਵਾਲੀ, ਕੁਲਵਿੰਦਰ ਬੁਢਲਾਡਾ ਨੇ ਵੀ ਸੰਬੋਧਨ ਕੀਤਾ।