ਵੱਖ-ਵੱਖ ਪਿੰਡਾਂ ‘ਚ ਸਾਂਝ ਕੇਂਦਰਾ ਵਾਰੇ ਲੋਕਾਂ ਨੂੰ ਜਾਣਕਾਰੀ ਦਿੱਤੀ ਗਈ

ਝੁਨੀਰ 23 ਜਨਵਰੀ (ਸੰਜੀਵ ਸਿੰਗਲਾ) ਜਿਲ੍ਹਾ ਪੁਲਿਸ ਮੁੱਖੀ ਡਾ:ਨਰਿੰਦਰ ਭਾਰਗਵ ਦੀਆ ਹਦਾਇਤਾ ਅਨੁਸਾਰ ਪੰਜਾਬ ਪੁਲਿਸ ਵੱਲੋ ਜਿਲੇ ਦੇ ਵੱਖ-ਵੱਖ ਪਿੰਡਾ ਵਿੱਚ ਲੋਕਾ ਨੂੰ ਸਾਂਝ ਕੇਦਰ ਬਾਰੇ ਜਾਣਕਾਰੀ ਦੇਣ ਦੀ ਮੁਹਿੰਮ ਵਿੱਢੀ ਹੋਈ ਹੈ ਜਿਸ ਤਹਿਤ ਥਾਨਾ ਕੋਟਧਰਮੁ ਦੇ ਪਿੰਡਾ ਨੰਗਲ ਖੁਰਦ, ਕੋਟਧਰਮੂ,ਗਾਗੋਵਾਲ ਆਦਿ ਪਿੰਡਾਂ ਵਿਖੇ ਪਬਲਿਕ ਨੂੰ ਸਬੋਧਨ ਕਰਦਿਆ ਸ੍ਰੀ ਨਰੇਸ ਕੁਮਾਰ ਟ੍ਰੈਫਿਕ ਇੰਚਾਰਜ ਅਤੇ ਬਲਵੰਤ ਸਿੰਘ ਭਿੱਖੀ ਨੇ ਕਿਹਾ ਕਿ ਸਾਨੂੰ ਸਾਂਝ ਕੇਂਦਰਾ ਰਾਹੀ ਹੋਣ ਵਾਲੇ ਕੰਮਾ ਬਾਰੇ ਜਾਣਕਾਰੀ ਹੋਣੀ ਜਰੂਰੀ ਹੈ ਜਿਵੇ ਕਿ ਕਿਸੇ ਵਿਅਕਤੀ ਨੇ ਆਪਣਾ ਲਾਇਸੰਸ ਰੀਨੀਊ ਜਾਂ ਪਾਸਪੋਰਟ ਬਾਰੇ ਜਾਣਕਾਰੀ ਅਸਲਾ ਲਾਇਸੰਸ ਰੀਨੀਊ ਬਾਰੇ ਅਤੇ ਆਪਣੇ ਘਰੇਲੂ ਮਸਲੇ ਦੀਆ ਸਮੱਸਿਆਵਾ ਅਤੇ ਆਪਣੇ ਵਹੀਕਲਾ ਦੇ ਕਾਗਜਾਤ ਵਗੈਰਾ ਅਤੇ ਆਚਰਣ ਸਰਟੀਫਿਕੇਟ ਲੈਣ ਸਬੰਧੀ ਆਦਿ ਲਈ ਸਾਂਝ ਕੇਂਦਰ ਵਿੱਚ ਸਰਕਾਰੀ ਫੀਸ ਭਰਕੇ ਜਾਣਕਾਰੀ ਲੈ ਸਕਦਾ ਹੈ ।ਇਹਨਾਂ ਕੈਂਪਾਂ ਰਾਹੀ ਜਿੱਥੇ ਮਹਿਕਮੇ ਵੱਲੋ ਆਮ ਲੋਕਾਂ ਨੂੰ ਪਿੰਡਾਂ ‘ਚ ਜਾਕੇ ਭਰਭੂਰ ਜਾਣਕਾਰੀ ਦਿੱਤੀ ਜਾ ਰਹੀ ਹੈ ਉੱਥੇ ਪਿੰਡਾਂ ਦੇ ਲੋਕਾਂ ਵੱਲੋ ਪੁਲਿਸ ਨੂੰ ਪੂਰਨ ਸਹਿਯੋਗ ਦਿੱਤਾ ਜਾ ਰਿਹਾ ਹੈ ਅਤੇ ਉਹ ਪੂਰੇ ਉਤਸਾਹ ਨਾਲ ਜਾਣਕਾਰੀ ਹਾਸਿਲ ਕਰ ਰਿਹੇ ਹਨ। ਇਸ ਮੌਕੇ ਥਾਨਾ ਕੋਟ ਧਰਮੂ ਦੇ ਮੁੱਖ ਅਫਸਰ ਜਸਕਰਨ ਸਿੰਘ ਤੋ ਇਲਾਵਾ ਪਿੰਡਾਂ ਦੀਆਂ ਪੰਚਾਇਤਾਂ ਗਲੋਵਲ ਕਮੇਟੀ ਦੇ ਚੇਅਰਮੈਨ ਕੁਲਵਿੰਦਰ ਸਿੰਘ ਆਦਿ ਮੈਬਰ ਵੀ ਹਾਜਰ ਸਨ ।