ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵਲੋਂ ਸ. ਜਗਜੀਤ ਸਿੰਘ ਆਨੰਦ ਅਭਿਨੰਦਨ ਗ੍ਰੰਥ ਲੋਕ ਅਰਪਨ

ਲੁਧਿਆਣਾ( ਸਤਪਾਲ  ਸੋਨੀ  ) ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵਲੋਂ ਉਘੇ ਲੇਖਕ, ਪੱਤਰਕਾਰ, ਅਤੇ ਰਾਜਨੀਤੀਵੇਤਾ ਸ. ਜਗਜੀਤ ਸਿੰਘ ਆਨੰਦ ਸਾਬਕਾ ਐਮ. ਪੀ. ਬਾਰੇ ਪ੍ਰਕਾਸ਼ਿਤ ‘ਲੰਮੇ ਪੈਂਡਿਆਂ ਦਾ ਰਾਹੀ’ ਅਭਿਅਨੰਦਨ ਗ੍ਰੰਥ ਦੀ ਪਹਿਲੀ ਕਾਪੀ ਜਲੰਧਰ ਵਿਖੇ ਸ. ਜਗਜੀਤ ਸਿੰਘ ਅਨੰਦ ਨੂੰ ਅਕਾਡਮੀ ਦੇ ਪ੍ਰਧਾਨ ਪ੍ਰੋ. ਗੁਰਭਜਨ ਸਿੰਘ ਗਿੱਲ, ਇਸ ਅਭਿਨੰਦਨ ਗ੍ਰੰਥ ਦੇ ਸੁਪਨਕਾਰ ਅਮਰੀਕਾ ਨਿਵਾਸੀ ਸ. ਰੂਪ ਸਿੰਘ ਰੂਪਾ, ਅਕਾਡਮੀ ਦੇ ਸੀਨੀਅਰ ਮੀਤ ਪ੍ਰਧਾਨ ਡਾ. ਅਨੂਪ ਸਿੰਘ ਬਟਾਲਾ, ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ ਅਤੇ ਸੁਰਿੰਦਰ ਕੈਲੇ ਕਾਰਜਕਾਰੀ ਮੈਂਬਰ ਜਨਮੇਜਾ ਸਿੰਘ ਜੌਹਲ, ਮੈਂਬਰ ਸ. ਸੁਖਦੇਵ ਸਿੰਘ ਪ੍ਰੇਮੀ ਅਤੇ ਮਨਜਿੰਦਰ ਸਿੰਘ ਧਨੋਆ ਨੇ ਭੇਂਟ ਕੀਤੀ। ਸ. ਜਗਜੀਤ ਸਿੰਘ ਆਨੰਦ ਸਰੀਰਕ ਤੌਰ ’ਤੇ ਤੰਦਰੁਸਤ ਨਾ ਹੋਣ ਕਾਰਨ ਲੁਧਿਆਣਾ ਪਹੁੰਚਣ ਤੋਂ ਅਸਮਰੱਥ ਹਨ। ਇਸ ਮੌਕੇ ਅਭਿਨੰਦਨ ਗ੍ਰੰਥ ਦੇ ਸੰਪਾਦਕ ਡਾ. ਰਜਨੀਸ਼ ਬਹਾਦਰ ਸਿੰਘ, ਜਗਜੀਤ ਸਿੰਘ ਆਨੰਦ ਜੀ ਦੀ ਧਰਮ ਪਤਨੀ ਸ੍ਰੀਮਤੀ ਉਰਮਿਲਾ ਆਨੰਦ, ਨਵਾਂ ਜ਼ਮਾਨਾ ਦੇ ਟਰੱਸਟੀ ਅਤੇ ਲੇਖਕ ਜਸ ਮੰਡ ਅਤੇ ਆਨੰਦ ਜੀ ਦੇ ਸਪੁੱਤਰ ਸ੍ਰੀ ਸੁਕੀਰਤ ਵੀ ਹਾਜ਼ਰ ਸਨ। ਸ. ਆਨੰਦ ਨੇ ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵੱਲੋਂ ਕੀਤੇ ਇਸ ਉ¤ਦਮ ਨੂੰ ਅਸ਼ੀਰਵਾਦ ਦਿੰਦਿਆਂ ਕਿਹਾ ਕਿ ਅੱਗੇ ਤੋਂ ਅੱਗੇ ਵਧੀ ਚੱਲੋ। ਲੁਧਿਆਣਾ ਵਿਖੇ ਅੱਜ ਪੰਜਾਬੀ ਸਾਹਿਤ ਅਕਾਡਮੀ ਵੱਲੋਂ ਇਹ ਅਭਿਨੰਦਨ ਗ੍ਰੰਥ ਬਾਅਦ ਦੁਪਹਿਰ ਲੋਕ-ਅਰਪਣ ਕੀਤਾ ਗਿਆ, ਜਿਸ ਦੀ ਪ੍ਰਧਾਨਗੀ ਸੈਂਟਰਲ ਯੂਨੀਵਰਸਟੀ ਆਫ਼ ਪੰਜਾਬ ਦੇ ਚਾਂਸਲਰ ਡਾ. ਸਰਦਾਰਾ ਸਿੰਘ ਜੌਹਲ, ਲੁਧਿਆਣਾ ਨਗਰ ਨਿਗਮ ਦੇ ਮੇਅਰ ਸ. ਹਰਚਰਨ ਸਿੰਘ ਗੋਲਵੜੀਆ, ਸ. ਰੂਪ ਸਿੰਘ ਰੂਪਾ, ਅਕਾਡਮੀ ਦੇ ਪ੍ਰਧਾਨ ਪ੍ਰੋ. ਗੁਰਭਜਨ ਸਿੰਘ ਗਿੱਲ ਅਤੇ ਹੋਰ ਅਹੁਦੇਦਾਰਾਂ ਨੇ ਕੀਤੀ। ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਵੱਲੋਂ ਸੁਆਗਤੀ ਸ਼ਬਦ ਬੋਲਦਿਆਂ ਪ੍ਰੋ.ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਸ. ਰੂਪ ਸਿੰਘ ਰੂਪਾ ਦੀ ਪ੍ਰੇਰਨਾ ਅਤੇ ਦਿੱਤੀ ਧਨ ਰਾਸ਼ੀ ਨਾਲ ਸਰਦਾਰ ਜਗਜੀਤ ਸਿੰਘ ਆਨੰਦ ਬਾਰੇ ਇਹ ਅਭਿਨੰਦਨ ਗ੍ਰੰਥ ਪ੍ਰਕਾਸ਼ਿਤ ਹੋਣਾ ਭਵਿੱਖ ਦੀਆਂ ਪੀੜ•ੀਆਂ ਲਈ ਰਾਹ ਦਸੇਰਾ ਬਣੇਗਾ। ਉਨ•ਾਂ ਆਖਿਆ ਕਿ ਆਨੰਦ ਜੀ ਹਮੇਸ਼ਾ ਸਾਡੇ ਸਾਰਿਆਂ ਲਈ ਪ੍ਰੇਰਕ ਸ਼ਕਤੀ ਰਹੇ ਹਨ ਅਤੇ ਅਕਾਡਮੀ ਲਈ ਵੀ ਉਨਾਂ• ਦਾ ਯੋਗਦਾਨ ਭੁਲਾਉਣ ਯੋਗ ਨਹੀਂ। ਆਪਣੀ ਵਿਸ਼ਲੇਸ਼ਣੀ ਅੰਦਾਜ਼ ਵਾਲੀ ਵਾਰਤਕ ਵਿਚ ਸਿਆਸੀ ਪੁਣ-ਛਾਣ ਕਰਕੇ ਨਿਖੇੜ ਨਤੀਜੇ ਪੇਸ਼ ਕਰਨੇ ਉਨ•ਾਂ ਦੀ ਵਿਸ਼ੇਸ਼ ਕਾਬਲੀਅਤ ਸੀ। ਅਗਲੇ ਸਾਲ ਤੋਂ ਅਕਾਡਮੀ ਵੱਲੋਂ ਇਕ ਪ੍ਰਮੁੱਖ ਵਾਰਤਕਕਾਰ ਨੂੰ ਸ. ਜਗਜੀਤ ਸਿੰਘ ਆਨੰਦ ਪੁਰਸਕਾਰ ਹਰ ਵਰ•ੇ ਦਿੱਤਾ ਜਾਵੇਗਾ, ਜਿਸ ਲਈ ਸ. ਰੂਪ ਸਿੰਘ ਰੂਪਾ ਨੇ ਢਾਈ ਲੱਖ ਰੁਪਏ ਦੀ ਧਨ ਰਾਸ਼ੀ ਅੱਜ ਅਕਾਡਮੀ ਨੂੰ ਸੌਂਪ ਦਿੱਤੀ ਹੈ। ਇਸ ਦੇ ਵਿਆਜ ਨਾਲ ਹਰ ਵਰ•ੇ ਇਹ ਪੁਰਸਕਾਰ ਦਿੱਤਾ ਜਾਵੇਗਾ। ਮੇਅਰ, ਨਗਰ ਨਿਗਮ ਲੁਧਿਆਣਾ ਸ. ਹਰਚਰਨ ਸਿੰਘ ਗੋਹਲਵੜੀਆ ਨੇ ਸੰਬੋਧਨ ਕਰਦਿਆਂ ਆਖਿਆ ਕਿ ਤਰਨਤਾਰਨ ਦੀ ਧਰਤੀ ਵਿਚ ਪੈਦਾ ਹੋਏ ਸ. ਆਨੰਦ ਵਿਸ਼ਵ-ਵਿਆਪੀ ਪਛਾਣ ਦੇ ਹੱਕਦਾਰ ਬਣੇ ਅਤੇ ਉਨ•ਾਂ ਦੀਆਂ ਘਾਲਣਾਵਾਂ ਨੂੰ ਸਨਮਾਨਿਤ ਕਰਕੇ ਅਕਾਡਮੀ ਨੇ ਚੰਗੇਰਾ ਕਾਰਜ ਕੀਤਾ ਹੈ। ਸੈਂਟਰਲ ਯੂਨੀਵਰਸਟੀ ਆਫ਼ ਪੰਜਾਬ ਬਠਿੰਡਾ ਦੇ ਚਾਂਸਲਰ ਡਾ. ਸਰਦਾਰਾ ਸਿੰਘ ਜੌਹਲ ਨੇ ਆਖਿਆ ਕਿ ਆਨੰਦ ਜੀ ਦੀਆਂ ਲਿਖਤਾਂ ਸਮਾਂ ਕਾਲ ਦਾ ਅਹਿਮ ਦਸਤਾਵੇਜ ਹਨ ਅਤੇ ਉਨ•ਾਂ ਦੀ ਚੋਣਵੀਂ ਵਾਰਤਕ ਦਾ ਪ੍ਰਕਾਸ਼ਨ ਕਰਕੇ ਨਵੀਂ ਪੀੜ•ੀ ਨੂੰ ਨਿਵੇਕਲੇ ਸ਼ਬਦ ਭੰਡਾਰ ਨਾਲ ਜੋੜਿਆ ਜਾ ਸਕਦਾ ਹੈ। ਪੰਜਾਬੀ ਸਾਹਿਤ ਅਕਾਡਮੀ ਲੁਧਿਆਣਾ ਦੇ ਜਨਰਲ ਸਕੱਤਰ ਡਾ. ਸੁਖਦੇਵ ਸਿੰਘ ਸਿਰਸਾ ਨੇ ਮੰਚ ਸੰਚਾਲਨ ਕਰਦਿਆਂ ਆਖਿਆ ਕਿ ਸ. ਆਨੰਦ ਸਿਰਫ਼ ਪੰਜਾਬ ਵਿਚ ਹੀ ਨਹੀਂ ਸਗੋਂ ਬਾਕੀ ਰਾਜਾਂ ਵਿਚ ਵੀ ਸਿਰਕੱਢ ਪੱਤਰਕਾਰ ਅਤੇ ਕਮਿਊਨਿਸਟ ਆਗੂ ਵੱਜੋਂ ਨਵੇਕਲੀ ਪਛਾਣ ਰੱਖਦੇ ਹਨ। ਨਵਾਂ ਜ਼ਮਾਨਾ ਦੇ ਕਾਰਜਕਾਰੀ ਸੰਪਾਦਕ ਸ੍ਰੀ ਜਤਿੰਦਰ ਪੰਨੂ ਨੇ ਆਖਿਆ ਕਿ ਆਨੰਦ ਜੀ ਸਾਡੇ ਲਈ ਅਥਾਹ ਊਰਜਾ ਵਾਂਗ ਹਨ ਅਤੇ ਉਨ•ਾਂ ਦੀ ਨੇੜਤਾ ਕਾਰਨ ਹੀ ਸਾਡੀ ਸਿਰਜਣਾਤਮਕ ਪ੍ਰਤਿਭਾ ਵਿਕਸਤ ਹੋਈ ਹੈ।

ਡਾ. ਰਜਨੀਸ਼ ਬਹਾਦਰ ਸਿੰਘ ਨੇ ਆਖਿਆ ਕਿ ਆਨੰਦ ਜੀ ਦੀ ਬਹੁ-ਦਿਸ਼ਾਵੀ ਸ਼ਖ਼ਸੀਅਤ ਨੂੰ ਇਸ ਗ੍ਰੰਥ ਵਿਚ ਸਮੇਟਣਾ ਬੜਾ ਮੁਸ਼ਕਲ ਕਾਰਜ ਸੀ, ਪਰ ਲੇਖਕਾਂ ਦੇ ਸਹਿਯੋਗ ਨਾਲ ਇਹ ਸੰਪੂਰਨ ਹੋ ਸਕਿਆ ਹੈ। ਇਸ ਕਾਰਜ ਲਈ ਪੰਜਾਬੀ ਸਾਹਿਤ ਅਕਾਡਮੀ ਅਤੇ ਰੂਪ ਸਿੰਘ ਰੂਪਾ ਮੁਬਾਰਕ ਦੇ ਹੱਕਦਾਰ ਹਨ। ਜਗਜੀਤ ਸਿੰਘ ਆਨੰਦ ਜੀ ਦੇ ਸਪੁੱਤਰ ਸ਼੍ਰੀ ਸੁਕੀਰਤ ਨੇ ਆਖਿਆ ਕਿ ਉਨ•ਾਂ ਦਾ ਆਪਣੇ ਬਾਪ ਨਾਲ ਫ਼ਾਸਲੇ ਅਤੇ ਨੇੜਤਾ ਦਾ ਰਿਸ਼ਤਾ ਰਿਹਾ ਹੈ, ਪਰ ਪਿਛਲੇ ਕੁਝ ਸਮੇਂ ਤੋਂ ਉਹ ਮਹਿਸੂਸ ਕਰਦੇ ਹਨ ਕਿ ਉਨ•ਾਂ ਨੇ ਪਰਿਵਾਰਕ ਗ਼ਰਜ਼ਾਂ ਦੀ ਥਾਂ ਸਮਾਜਕ ਫ਼ਰਜ਼ਾਂ ਨੂੰ ਪਹਿਲ ਦੇ ਕੇ ਆਪਣਾ ਆਪ ਨਿਰਲੇਪ ਰੱਖਿਆ ਹੈ। ਸ. ਰੂਪ ਸਿੰਘ ਰੂਪਾ ਨੇ ਸੰਬੋਧਨ ਕਰਦਿਆਂ ਆਖਿਆ ਕਿ ਮੈਂ ਮਾਸਟਰ ਬਾਬੂ ਸਿੰਘ ਰਾਮਪੁਰਾ ਫੂਲ ਦੀ ਉਂਗਲ ਫੜ ਕੇ ਟਰੇਡ ਯੂਨੀਅਨ ਲਹਿਰ ਵਿਚ ਉਤਰਿਆ ਸੀ, ਪਰ ਕੌਮੀ ਪਛਾਣ ਸ. ਜਗਜੀਤ ਸਿੰਘ ਆਨੰਦ ਨੇ ਦਿਵਾਈ। ਉਹ ਇੱਕੋ ਵੇਲੇ ਮੇਰੇ ਆਗੂ, ਸ਼ਕਤੀ ਅਤੇ ਰਾਹ-ਦਸੇਰਾ ਸਨ। ਉਨ•ਾਂ ਦੇ ਆਦਰ ਵਿਚ ਇਹ ਸਮਾਗਮ ਬਹੁਤ ਨਿਮਾਣਾ ਯਤਨ ਹੈ। ਨਾਮਧਾਰੀ ਦਰਬਾਰ ਸ਼੍ਰੀ ਭੈਣੀ ਸਾਹਬ ਵੱਲੋਂ ਸ. ਹਰਪਾਲ ਸਿੰਘ ਸੇਵਕ ਨੇ ਆਖਿਆ ਕਿ ਸਤਿਗੁਰੂ ਜਗਜੀਤ ਸਿੰਘ ਜੀ ਨਾਲ ਸ. ਜਗਜੀਤ ਸਿੰਘ ਆਨੰਦ ਦੇ ਵਿਸ਼ਵ ਸ਼ਾਂਤੀ ਅਤੇ ਸਾਂਝੀਵਾਲਤਾ ਦੇ ਹਵਾਲੇ ਨਾਲ ਬਹੁਤ ਨੇੜਲੇ ਸੰਬੰਧ ਸਨ। ਵਰਤਮਾਨ ਸਤਿਗੁਰੂ ਉਦੈ ਸਿੰਘ ਜੀ ਵੀ ਸ. ਆਨੰਦ ਦੇ ਲਈ ਸ਼ੁਭ ਚਿੰਤਨ ਰੱਖਦੇ ਹਨ, ਇਸੇ ਕਰਕੇ ਅੱਜ ਸ. ਅਜੀਤ ਸਿੰਘ ਲਾਇਲ, ਸ. ਰਛਪਾਲ ਸਿੰਘ ਸੇਵਕ ਅਤੇ ਉਨ•ਾਂ ਦੀ ਅਗਵਾਈ ਵਿਚ ਨਾਮਧਾਰੀ ਦਰਬਾਰ ਵੀ ਪੰਜਾਬੀ ਭਵਨ ਵਿਚ ਹਾਜ਼ਰ ਹੋਇਆ ਹੈ। ਇਸ ਮੌਕੇ ਉ¤ਘੇ ਲੇਖਕ ਪ੍ਰੋ. ਰਵਿੰਦਰ ਭੱਠਲ, ਅਕਾਡਮੀ ਦੇ ਮੀਤ ਪ੍ਰਧਾਨ ਡਾ. ਗੁਰਇਕਬਾਲ ਸਿੰਘ, ਡਾ. ਜੁਗਿੰਦਰ ਸਿੰਘ ਨਿਰਾਲਾ, ਸਕੱਤਰ ਸੁਰਿੰਦਰ ਕੈਲੇ, ਡਾ. ਗੁਲਜ਼ਾਰ ਪੰਧੇਰ, ਕਾਰਜਕਾਰਨੀ ਮੈਂਬਰ ਤਰਸੇਮ ਬਰਨਾਲਾ, ਖੁਸ਼ਵੰਤ ਬਰਗਾੜੀ, ਸੂਫ਼ੀ ਅਮਰਜੀਤ, ਪ੍ਰਿੰ. ਪ੍ਰੇਮ ਸਿੰਘ ਬਜਾਜ, ਜਨਮੇਜਾ ਸਿੰਘ ਜੌਹਲ, ਮੇਜਰ ਸਿੰਘ ਗਿੱਲ ਬਰਨਾਲਾ, ਤਰਲੋਚਨ ਝਾਂਡੇ, ਜਸਵੰਤ ਸਿੰਘ ਪੀ. ਏ. ਯੂ, ਗਿਆਨੀ ਗੁਰਦੇਵ ਸਿੰਘ ਨਿਹਾਲ ਸਿੰਘ ਵਾਲਾ, ਡਾ. ਲਾਭ ਸਿੰਘ ਖੀਵਾ, ਸ. ਸਵਰਨ ਸਿੰਘ ਸਨੇਹੀ, ਸ. ਚਰਨਜੀਤ ਸਿੰਘ ਯੂ.ਐਸ.ਏ., ਡਾ. ਸਰੂਪ ਸਿੰਘ ਅਲੱਗ, ਸ. ਸਵਰਨ ਸਿੰਘ ਸਨੇਹੀ, ਸ. ਹਕੀਕਤ ਸਿੰਘ ਮਾਂਗਟ, ਡਾ. ਸਰਦਾਰ ਸਿੰਘ ਪੁਆਰ, ਸ. ਵਿਸਾਖਾ ਸਿੰਘ, ਸਰਵਣ ਸਿੰਘ ਜ਼ਫ਼ਰ, ਹਰੀ ਕ੍ਰਿਸ਼ਨ ਮਾਇਰ, ਡਾ. ਅਮਰਜੀਤ ਸਿੰਘ ਗੋਰਕੀ, ਜਸਵੰਤ ਸਿੰਘ ਅਮਨ, ਭਗਵੰਤ ਰਸੂਲਪੁਰੀ, ਡਾ. ਜਗਵਿੰਦਰ ਜੋਧਾ, ਸ਼ਿੰਗਾਰਾ ਸਿੰਘ, ਭਗਵਾਨ ਢਿੱਲੋਂ, ਹਰਮੀਤ ਵਿਦਿਆਰਥੀ, ਗਿਆਨ ਸੈਦਪੁਰੀ, ਕੇਵਲ ਦੀਵਾਨਾ, ਦੀਪ ਜਗਦੀਪ, ਅੰਮ੍ਰਿਤਬੀਰ ਕੌਰ, ਦਰਸ਼ਨ ਸਿੰਘ ਓਬਰਾਏ, ਹਰਕੇਸ਼ ਸਿੰਘ ਕਹਿਲ, ਗੁਰਦੀਸ਼ ਕੌਰ ਗਰੇਵਾਲ, ਬਲਵਿੰਦਰ ਸਿੰਘ ਔਲਖ, ਦਲਬੀਰ ਲੁਧਿਆਣਵੀ, ਤਰਸੇਮ ਨੂਰ, ਅਮਰਜੀਤ ਸ਼ੇਰਪੁਰੀ, ਰਿਤੂ ਕਲਸੀ, ਜੀਤ ਕੁਮਾਰੀ, ਸਤੀਸ਼ ਗੁਲਾਟੀ, ਪਵਨ ਗੁਲਾਟੀ, ਬੁੱਧ ਸਿੰਘ ਨੀਲੋਂ, ਜਸਬੀਰ ਸਿੰਘ ਮਾਂਹਪੁਰ, ਇੰਦਰਜੀਤਪਾਲ ਕੌਰ ਭਿੰਡਰ, ਡਾ. ਕੁਲਵਿੰਦਰ ਕੌਰ ਮਿਨਹਾਸ ਸਮੇਤ ਕਈ ਹੋਰ ਸਿਰਕੱਢ ਲੇਖਕ ਸ਼ਖ਼ਸੀਅਤਾਂ ਹਾਜ਼ਰ ਸਨ।