ਪੱਲਸ ਪੋਲਿਓ ਮੁਹਿੰਮ ਤਹਿਤ ਬਲਾਕ ਸ਼ਾਹਕੋਟ ਅਤੇ ਲੋਹੀਆਂ ‘ਚ 10,150 ਬੱਚਿਆਂ ਨੇ ਪੀਤੀਆਂ ਦੋ ਬੂੰਦਾਂ ਜਿੰਦਗੀ ਦੀਆਂ 21 ਅਤੇ 22 ‘ਚ ਨੂੰ ਘਰ-ਘਰ ਜਾ ਕੇ ਪਿਲਾਉਣਗੀਆਂ ਪੋਲਿਓ ਟੀਮਾਂ ਬੱਚਿਆਂ ਨੂੰ ਬੂੰਦਾਂ

ਸ਼ਾਹਕੋਟ/ਮਲਸੀਆਂ, 20 ਜਨਵਰੀ (ਸਚਦੇਵਾ) ਸਿਹਤ ਵਿਭਾਗ ਪੰਜਾਬ ਵੱਲੋਂ ਪੋਲਿਓ ਦੇ ਖਾਤਮੇ ਨੂੰ ਲੈ ਕੇ ਵਿੱਢੀ ਗਈ ਮੁਹਿੰਮ ਤਹਿਤ 0-5 ਸਾਲ ਤੱਕ ਦੇ ਬੱਚਿਆ ਨੂੰ ਪਹਿਲੇ ਪੜਾਅ ਹੇਠ 20 ਜਨਵਰੀ ਤੋਂ ਲੈ ਕੇ 22 ਜਨਵਰੀ ਤੱਕ ਪੋਲਿਓ ਬੂੰਦਾ ਪਿਲਾਈਆਂ ਜਾਣੀਆਂ ਸਨ । ਇਸੇ ਤਹਿਤ ਸਿਵਲ ਹਸਪਤਾਲ ਸ਼ਾਹਕੋਟ ਦੇ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਵੀਨਾ ਪਾਲ ਦੀ ਅਗਵਾਈ ‘ਚ ਐਤਵਾਰ ਨੂੰ ਬਲਾਕ ਸ਼ਾਹਕੋਟ ਅਤੇ ਲੋਹੀਆਂ ‘ਚ 0-5 ਸਾਲਾਂ ਦੇ 10,150 ਬੱਚਿਆਂ ਨੂੰ ਪੋਲਿਓ ਦੀਆਂ ਬੂੰਦਾ ਪਿਲਾਈਆਂ ਗਈਆਂ । ਇਸ ਮੌਕੇ ਸਿਹਤ ਵਿਭਾਗ ਵੱਲੋਂ ਜਨਤਕ ਥਾਵਾਂ ‘ਤੇ ਬੂਥ ਲਗਾਕੇ ਬੱਚਿਆਂ ਨੂੰ ਪੋਲਿਓ ਬੂੰਦਾਂ ਪਿਲਾਈਆਂ ਗਈਆਂ । ਇਸ ਸੰਬੰਧੀ ਜਾਣਕਾਰੀ ਦਿੰਦਿਆ ਸਿਵਲ ਹਸਪਤਾਲ ਸ਼ਾਹਕੋਟ ਦੇ ਸੀਨੀਅਰ ਮੈਡੀਕਲ ਅਫਸਰ ਡਾਕਟਰ ਵੀਨਾ ਪਾਲ, ਨੋਡਲ ਅਫਸਰ ਡਾਕਟਰ ਬਲਵਿੰਦਰ ਸਿੰਘ (ਅੱਖਾਂ ਦੇ ਮਾਹਿਰ) ਅਤੇ ਬਲਾਕ ਐਜੂਕੇਟਰ ਹਰਜਿੰਦਰ ਸਿੰਘ ਬਾਗਪੁਰ ਨੇ ਦੱਸਿਆ ਕਿ ਪੱਲਸ ਪੋਲਿਓ ਮੁਹਿੰਮ ਤਹਿਤ ਅੱਜ 0-5 ਸਾਲ ਦੇ 10,150 ਬੱਚਿਆ ਨੂੰ ਪੋਲਿਓ ਬੂੰਦਾ ਪਿਲਾਈਆਂ ਗਈਆਂ ਹਨ । ਜਿਸ ਲਈ 80 ਪੋਲਿਓ ਬੂਥ ਬਣਾਏ ਗਏ ਸਨ ਅਤੇ ਹਰੇਕ ਬੂਥ ‘ਤੇ ਇੱਕ ਟੀਮ ਲਗਾਈ ਗਈ ਸੀ, ਜਿਸ ਵਿੱਚ ਚਾਰ ਮੈਂਬਰ ਬੱਚਿਆਂ ਨੂੰ ਪੋਲਿਓ ਬੂੰਦਾ ਪਿਲਾਉਣ ਲਈ ਲਗਾਏ ਗਏ ਸਨ । ਉਨ•ਾਂ ਦੱਸਿਆ ਕਿ ਜਿਹੜੇ ਬੱਚੇ ਪੋਲਿਓ ਬੂੰਦਾਂ ਪੀਣ ਤੋਂ ਰਹਿ ਗਏ ਹਨ, ਉਨ•ਾਂ ਨੂੰ 21 ਅਤੇ 22 ਜਨਵਰੀ ਨੂੰ ਪੋਲਿਓ ਟੀਮਾਂ (ਵੈਕਸੀਨੇਟਰਾਂ) ਵੱਲੋਂ ਘਰ-ਘਰ ਜਾ ਕੇ ਬੱਚਿਆਂ ਨੂੰ ਪੋਲਿਓ ਬੂੰਦਾ ਪਿਲਾਈਆਂ ਜਾਣਗੀਆਂ । ਉਨ•ਾਂ ਦੱਸਿਆ ਕਿ ਪਿੱਛਲੇ ਢਾਈ ਸਾਲਾਂ ‘ਚ ਭਾਰਤ ਵਿੱਚ ਕੋਈ ਵੀ ਕੇਸ ਪੋਲਿਓ ਦਾ ਸਾਹਮਣੇ ਨਹੀਂ ਆਇਆ, ਜੇਕਰ ਇਸ ਸਾਲ ਅਕਤੂਬਰ 2013 ਤੱਕ ਪੋਲਿਓ ਦਾ ਕੋਈ ਕੇਸ ਸਾਹਮਣੇ ਨਾ ਆਇਆ ਤਾਂ ਭਾਰਤ ਪੋਲਿਓ ਮੁਕਤ ਦੇਸ਼ ਹੋ ਜਾਵੇਗਾਂ । ਉਨ•ਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਕੰਮ ਨੂੰ ਨੇਪੜੇ ਚਾੜ•ਣ ਲਈ ਟੀਮਾਂ ਨੂੰ ਸਹਿਯੋਗ ਦੇਣ ਤਾਂ ਜੋ ਕੋਈ ਵੀ ਬੱਚਾ ਪੋਲਿਓ ਬੂੰਦਾਂ ਪੀਣ ਤੋਂ ਵਾਂਝਾ ਨਾ ਰਹਿ ਜਾਵੇ । ਉਨ•ਾਂ ਦੱਸਿਆ ਕਿ ਪੱਲਸ ਪੋਲਿਓ ਮੁਹਿਮ ਤਹਿਤ ਦੂਸਰੇ ਪੜਾਅ ‘ਚ ਫਰਵਰੀ ਮਹੀਨੇ 24 ਫਰਵਰੀ ਨੂੰ 0-5 ਸਾਲ ਦੇ ਬੱਚਿਆਂ ਨੂੰ ਬੂਥਾਂ ‘ਤੇ ਪੋਲਿਓ ਬੂਦਾਂ ਪਿਲਾਈਆਂ ਜਾਣਗੀਆਂ ਅਤੇ 25 ‘ਤੇ 26 ਫਰਵਰੀ ਨੂੰ ਪੋਲਿਓ ਟੀਮਾਂ ਘਰ-ਘਰ ਜਾ ਕੇ 0-5 ਸਾਲ ਦੇ ਬੱਚਿਆਂ ਨੂੰ ਪੋਲਿਓ ਬੂੰਦਾਂ ਪਿਲਾਉਣਗੀਆਂ । 

ਪੱਲਸ ਪੋਲਿਓ ਮੁਹਿੰਮ ਤਹਿਤ ਸਿਵਲ ਹਸਪਤਾਲ ਸ਼ਾਹਕੋਟ ਵਿਖੇ ਬੱਚੇ ਪ੍ਰਭਕੀਰਤ ਸਿੰਘ ਨੂੰ ਪੋਲਿਓ ਬੂੰਦਾਂ ਪਿਲਾਉਦੀ ਟੀਮ । ਨਾਲ ਮਲਸੀਆਂ ਵਿਖੇ ਬਸ ਅੱਡੇ ‘ਤੇ ਬੱਚੇ ਨੂੰ ਪੋਲਿਓ ਬੂੰਦਾ ਪਿਲਾਉਦੀ ਟੀਮ ।