ਹੁਸ਼ਿਆਰਪੁਰ 28 ਜਨਵਰੀ 2013/ਅੱਜ ਪੰਜਾਬ ਹੈਲਥ ਵਿਭਾਗ ਸਬਾਰਡੀਨੇਟ ਆਫਿਸਜ਼ ਕਲੈਰੀਕਲ ਐਸੋਸੀਏਸ਼ਨ ਵੱਲੋਂ ਆਪਣੀਆਂ ਮੰਗਾਂ ਦੇ ਹੱਕ ਵਿੱਚ ਸੂਬਾ ਪੱਧਰੀ ਕਾਲ ਤੇ ਸਿਵਲ ਸਰਜਨ ਦਫ਼ਤਰ ਹੁਸ਼ਿਆਰਪੁਰ ਵਿਖੇ ਸਮੂਹ ਮੁਲਾਜ਼ਮਾਂ ਵੱਲੋਂ ਸੁਕੰਮਲ ਤੌਰ ਤੇ ਪੈਨ ਡਾਊਨ ਹੜਤਾਲ ਕੀਤੀ ਗਈ ਤੇ ਰੋਸ ਧਰਨਾ ਵੀ ਦਿੱਤਾ ਗਿਆ।ਇਸ ਮੌਕੇ ਮੁਲਾਜ਼ਮਾਂ ਨੂੰ ਸੰਬੋਧਨ ਕਰਦੇ ਹੋਏੇ ਸਿਹਤ ਵਿਭਾਗ ਹੁਸ਼ਿਆਰਪੁਰ ਕਲੈਰੀਕਲ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਸੰਜੀਵ ਕੁਮਾਰ, ਸੁਪਰਡੈਂਟ ਭਗਵਾਨ ਸਿੰਘ ਸੁਪਰਡੈਂਟ ਨੇ ਦੱਸਿਆ ਕਿ ਅਕਾਂਉਟੈਂਟਾਂ ਦੀ ਅਸਾਮੀਆ ਸਿਹਤ ਵਿਭਾਗ ਦੇ ਅਧੀਨ ਦਫਤਰਾਂ ਵਿੱਚ ਕੰਮ ਕਰਦੇ ਕਲੈਰੀਕਲ ਸਟਾਫ਼ ਅਤੇ ਯੂਨੀਅਰ ਸਹਾਇਕਾ ਵਿਚੋਂ ਭਰਨ ਅਤੇ ਯੂਨੀਅਰ ਆਂਕੜਾ ਸਹਾਇਕਾਂ ਦੀਆਂ ਅਸਾਮੀਆਂ ਨੂੰ ਅੰਕੜਾ ਸਹਾਇਕਾਂ ਦੀਆਂ ਅਸਾਮੀਆਂ ਵਿੱਚ ਮਰਜ਼ ਕਰਨ। ਸਿਵਲ ਸਰਜਨ ਦਫ਼ਤਰਾਂ ਵਿੱਚ ਕੰਮ ਕਰਦੇ ਸੁਪਰਡੈਂਟ ਗ੍ਰੇਡ 2 ਵਿਚੋਂ  1 ਅਸਾਮੀ ਵਿਚੋਂ ਸੁਪਰਡੈਂਟ 1 ਵਿੱਚ ਅਪਗ੍ਰੇਡ ਕਰਵਾਉਣ ਲਈ। ਸੁਪਰਡੈਂਟਾਂ ਦੀ ਤਰੱਕੀ ਦਾ ਕੇਸ ਮੁੜ ਰਿਵੀਊ ਕੀਤਾ ਜਾਵੇ। ਇਹਨਾਂ ਤਰੱਕੀਆਂ ਉਪਰੰਤ ਖਾਲੀ ਹੋਈਆਂ ਅਸਾਮੀਆਂ ਵਿੱਚ ਯੂਨੀਅਰ ਸਹਾਇਕਾਂ ਦੀ  ਪਲੇਸਮੈਂਟ ਕੀਤੀ ਜਾਵੇ। ਸਿਵਲ ਸਰਜਨਾਂ ਨਾਲ ਤਾਇਨਾਤ ਸਟੈਨੋ ਟਾਈਪਿਸਟ ਦੀ ਅਸਾਮੀ ਨੂੰ ਸੀਨੀਅਰ ਸਕੇਲ ਸਟੈਨੋ ਗ੍ਰਾਫਰ ਅਤੇ ਜੂਨੀਅਰ ਸਕੇਲ ਸਟੈਨੋ ਗ੍ਰਾਫਰ ਵਿੱਚ ਅਪਗ੍ਰੇਡ ਕੀਤਾ ਜਾਵੇ। ਜੇਕਰ ਸਿਹਤ ਡਾਇਰੈਕਟਰ ਨੇ ਇਹ ਮੰਨੀਆਂ ਮੰਗਾਂ ਨਾ ਲਾਗੂ ਕੀਤੀਆਂ ਤਾਂ ਸੰਘਰਸ਼ ਹੋਰ ਤਿਖਾ ਕੀਤਾ ਜਾਵੇਗਾ। ਜਿਸਦੀ ਜਿੰਮੇਵਾਰੀ ਸਿਹਤ ਡਾਇਰੈਕਟਰ ਤੇ ਪੰਜਾਬ ਸਰਕਾਰ ਦੀ ਹੋਵੇਗੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਇਸ ਮੀਟਿੰਗ ਵਿੱਚ ਸੁਪਰਡੈਂਟ ਰਜਿੰਦਰ ਕੌਰ, ਨਥੂ ਰਾਮ, ਸ਼ਿੰਦਰਪਾਲ, ਸੁਮਨ ਸੇਠੀ, ਗੁਰਪ੍ਰੀਤ ਕੌਰ, ਆਸ਼ਾ ਰਾਣੀ, ਅਨਿਲ ਕੁਮਾਰ, ਮਸਤਾਨ ਸਿੰਘ, ਜਸਵਿੰਦਰ ਸਿੰਘ, ਸ਼ਿੰਗਾਰਾ ਰਾਮ, ਦਵਿੰਦਰ ਭੱਟੀ, ਪਵਨ ਕੁਮਾਰ, ਕਮਲ ਜੋਤੀ, ਸੋਰਵ, ਸੇਵਾ ਸਿੰਘ, ਵੀਨਾ, ਗੁਰਪ੍ਰੀਤ ਸੱਲਣ, ਪਰਮਜੀਤ ਕੌਰ, ਰਜਨੀ ਸ਼ਰਮਾ, ਤਰਸੇਮ ਸਿੰਘ, ਗੀਤਾ ਰਾਣੀ ਅਤੇ ਪ੍ਰੈਸ ਸਕੱਤਰ ਗੁਵਿੰਦਰ ਸ਼ਾਨੇ ਵੀ ਹਾਜ਼ਰ ਸਨ।