ਸਿੱਖਿਆ ਮੰਤਰੀ ਦੇ ਬਿਆਨਾਂ ਨੂੰ ਝੂਠੇ ਸਾਬਿਤ ਕਰ ਰਹੇ ਨੇ ਸਿੱਖਿਆ ਵਿਭਾਗ ਦੇ ਅਧਿਕਾਰੀ

ਭੀਖੀ,4 ਜਨਵਰੀ( ਬਹਾਦਰ ਖਾਨ )-ਪੰਜਾਬ ਸਰਕਾਰ ਦੇ ਸਿੱਖਿਆ ਮੰਤਰੀ ਵੱਲੋਂ ਦਿੱਤੇ ਗਏ ਪ੍ਰਾਇਮਰੀ ਸਕੂਲਾਂ ਦੇ ਸਮਾਂ ਤਬਦੀਲ ਕਰਨ ਸਬੰਧੀ ਅਤੇ 6 ਜਨਵਰੀ ਤੱਕ ਪ੍ਰਾਇਮਰੀ ਸਕੂਲਾਂ ਅੰਦਰ ਛੁੱਟੀਆਂ ਸਬੰਧੀ ਦਿੱਤੇ ਬਿਆਨ ਨੁੰ ਡੀਜੀਐਸਈ ਸਿੱਖਿਆ ਵਿਭਾਗ ਨੇ ਨਾ ਮਨਜੂਰ ਕਰ ਦਿੱਤਾ ਹੈ।ਸਿੱਖਿਆ ਮੰਤਰੀ ਪੰਜਾਬ ਵੱਲੋਂ ਮੀਡੀਏ ਵਿੱਚ ਦਿੱਤੇ ਬਿਆਨ ਕਿ ਸਕੂਲਾਂ ਵਿੱਚ ਸਰਦੀਆਂ ਦੀਆਂ ਛੁੱਟੀਆਂ ਅਤੇ ਸਮਾਂ ਬਦਲਣ ਬਾਰੇ ਕੜਾਕੇ ਦੀ ਠੰਡ ਨੂੰ ਦੇਖਦੇ ਹੋਏ ਪ੍ਰਾਇਮਰੀ ਸਕੂਲਾਂ ਦੇ ਬੱਚਿਆਂ ਤੇ ਸਮੂਹ ਸਟਾਫ ਨੂੰ 6 ਜਨਵਰੀ ਤੱਕ ਛੁੱਟੀਆਂ ਕਰਨ ਦਾ ਐਲਾਨ ਕੀਤਾ ਗਿਆ ਹੈ ਅਤੇ ਪ੍ਰਾਇਮਰੀ ਸਕੂਲਾਂ ਦਾ ਸਮਾਂ ਸਵੇਰੇ 9 ਵਜੇ ਤੋਂ ਸਾਮ 3 ਵਜੇ ਤੱਕ ਕਰਨ ਦਾ ਐਲਾਨ ਕੀਤਾ ਗਿਆ ਸੀ ਅਤੇ ਇਸ ਸਬੰਧੀ ਸਿੱਖਿਆ ਮੰਤਰੀ ਦੇ ਬਿਆਨ ਪ੍ਰਿੰਟ ਅਤੇ ਇਲੈਕਟਰੋਨਿਕ ਮੀਡੀਏ ਵੱਲੋਂ ਪ੍ਰਕਾਸ਼ਿਤ ਵੀ ਕੀਤੇ ਗਏ ਹਨ। ਸਿੱਖਿਆਂ ਮੰਤਰੀ ਦੇ ਇਸ ਬਿਆਨ ਨੁੰ ਲੈ ਕੇ ਈ.ਟੀ.ਟੀ . ਟੀਚਰ ਯੂਨੀਅਨ ਦੇ ਸੂਬਾ ਆਗੂ ਬਲਵਿੰਦਰ ਭੀਖੀ ਨੇ ਕਿਹਾ ਕਿ ਸਿੱਖਿਆ ਮੰਤਰੀ ਦੇ ਬਿਆਨ ਨੂੰ ਸਿੱਖਿਆ ਵਿਭਾਗ ਦੇ ਅਧਿਕਾਰੀ ਹੁਣ ਟਿੱਚ ਸਮਝਣ ਲੱਗ ਪਏ ਹਨ ਉਨਾਂ ਕਿਹਾ ਕਿ ਸੰਗਰੂਰ ਰੈਲੀ ਦੋਰਾਨ ਸਿੱਖਿਆਂ ਮੰਤਰੀ ਵੱਲੋਂ ਪ੍ਰਾਇਮਰੀ ਸਕੂਲਾਂ ਦਾ ਸਮਾਂ ਸਵੇਰੇ 9 ਵਜੇ ਤੌਂ ਸ਼ਾਮ 3 ਵਜੇ ਤੱਕ ਕਰਨ ਦਾ ਐਲਾਨ ਕੀਤਾ ਸੀ ਪ੍ਰੰਤੂ ਡੀਜੀਐਸਈ ਵੱਲੋਂ ਇਸ ਸਬੰਧੀ ਵੀ ਕੋਈ ਦਫਤਰੀ ਹੁਕਮ ਜਾਰੀ ਨਹੀ ਕੀਤਾ ਪਰ ਹੁਣ ਸਿੱਖਿਆਂ ਵਿਭਾਗ ਨੇ ਪੱਤਰ ਨੰ: 8/19/2005-ਸਿ6/ 36-40 ਜਾਰੀ ਕਰਦੇ ਹੋਏ ਭਾਵੇਂ ਬੱਚਿਆਂ ਨੂੰ 6 ਜਨਵਰੀ ਤੱਕ ਛੁਟੀਆਂ ਦਾ ਐਲਾਨ ਕੀਤਾ ਹੈ ਪ੍ਰੰਤੂ ਐਡਿਡ ਅਤੇ ਨਾਨ ਐਡਿਡ ਸਟਾਫ ਨੂੰ ਸਕੂਲਾਂ ਅੰਦਰ ਹਾਜਰ ਰਹਿ ਕੇ ਬਾਕੀ ਕੰਮ ਨਿਪਟਾਉਣ ਦੇ ਆਦੇਸ਼ ਦਿੱਤੇ ਗਏ ਹਨ।ਸਿੱਖਿਆ ਮੰਤਰੀ ਦੇ ਬਿਆਨ ਅਤੇ ਡੀਜੀਐਸਈ ਦੇ ਪੱਤਰ ਨੂੰ ਲੈ ਕੇ ਪ੍ਰਾਇਮਰੀ ਸਕੂਲਾਂ ਦੇ ਅਧਿਆਪਕ ਜਿੱਥੇ ਸਸੋਪੰਜ ਵਿੱਚ ਹਨ ਉਥੇ ਉਹ ਸਿੱਖਿਆ ਮੰਤਰੀ ਅਤੇ ਵਿਭਾਗੀ ਅਧਿਕਾਰੀਆਂ ਦਾ ਆਪਸੀ ਤਾਲਮੇਲ ਨਾ ਹੋਣ ਕਰਕੇ ਉਹ ਭੰਬਲਭੂਸੇ ਵਿੱਚ ਪਏ ਹੋਏ ਹਨ ਉਨਾਂ ਮੰਗ ਕੀਤੀ ਕਿ ਸਿੱਖਿਆ ਮੰਤਰੀ ਬਿਆਨ ਦੇਣ ਤੋਂ ਪਹਿਲਾਂ ਵਿਭਾਗੀ ਅਧਿਕਾਰੀਆਂ ਨਾਲ ਤਾਲਮੇਲ ਨੂੰ ਯਕੀਨੀ ਬਨਾਉਣ ਇਸ ਮੌਕੇ ਦਲਜੀਤ ਸਿੰਘ ਮੱਤੀ,ਹੇਮਇੰਦਰ ਕੁਮਾਰ,ਗੁਰਦੀਪ ਸਿੰਘ ਸੁਰਜੀਤ ਸਿੰਘ,ਹਰਦੇਵ ਸਿੰਘ ਡੀ.ਸੀ,ਜਨਕ ਅਨੂਪਗੜ,ਸੁਖਪਾਲ ਅਕਲੀਆਂ,ਭੁਪਿੰਦਰ ਸਿੰਘ,ਮਨਜੀਤ ਕੋਟੜਾ ਆਦਿ ਹਾਜਰ ਸਨ।