ਭਾਰਤੀ ਖਿਡਾਰੀਆਂ ਨੇ ਪਾਸ ਕੀਤਾ ਡੋਪ ਟੈਸਟ

ਬਠਿੰਡਾ/ਚੰਡੀਗੜ•, 5 ਦਸੰਬਰ/ ਕੁਲਵੀਰ ਕਲਸੀ/ਭਾਰਤੀ ਖਿਡਾਰੀਆਂ ਲਈ ਇਹ ਸੰਤੁਸ਼ਟੀ ਅਤੇ ਮਾਣ ਦੀ ਗੱਲ ਹੈ ਕਿ ਇਸ ਦੇ ਖਿਡਾਰੀਆਂ ਨੇ ਡੋਪ ਦਾ ਟੈਸਟ ਪਾਸ ਕਰ ਲਿਆ ਹੈ। ਨਾਡਾ ਵੱਲੋਂ ਦਿੱਤੀ ਗਈ ਰਿਪੋਰਟ ਵਿੱਚ ਇਸ ਗੱਲ ਦੀ ਪੁਸ਼ਟੀ ਹੈ ਕਿ ਜਦੋਂ ਕਿ ਭਾਰਤੀ ਮਹਿਲਾ ਕਬੱਡੀ ਟੀਮ ਦੇ ਡੋਪ ਟੈਸਟ ਦਾ ਐਲਾਨ ਨਤੀਜਾ ਆਉਣ ’ਤੇ ਤੁਰੰਤ ਕਰ ਦਿੱਤਾ ਜਾਵੇਗਾ।ਇਹ ਜਾਣਕਾਰੀ ਦਿੰਦਿਆਂ ਪੰਜਾਬ ਕਬੱਡੀ ਐਸੋਸੀਏਸਨ ਦੇ ਪ੍ਰਧਾਨ ਅਤੇ ਪੰਜਾਬ ਦੇ ਸਿੱਖਿਆ ਮੰਤਰੀ ਸ. ਸਿਕੰਦਰ ਸਿੰਘ ਮਲੂਕਾ ਨੇ ਕਿਹਾ ਕਿ ਅੰਤਿਮ ਟਰਾਇਲਾਂ ਵਿੱਚ ਹਿੱਸਾ ਲੈਣ ਵਾਲੇ ਭਾਰਤੀ ਪੁਰਸ਼ ਟੀਮ ਦੇ 27 ਖਿਡਾਰੀਆਂ ਦੇ ਡੋਪ ਟੈਸਟ ਲਈ ਸੈਂਪਲ ਲਏ। ਇਨ•ਾਂ ਵਿੱਚੋਂ 25 ਖਿਡਾਰੀਆਂ ਦੇ ਸੈਂਪਲਾਂ ਦਾ ਨਤੀਜਾ ਪ੍ਰਾਪਤ ਹੋ ਗਿਆ ਅਤੇ ਸਾਰੇ ਖਿਡਾਰੀਆਂ ਨੇ ਡੋਪ ਟੈਸਟ ਪਾਸ ਕਰ ਲਿਆ ਹੈ। ਬਾਕੀ ਦੋ ਖਿਡਾਰੀਆਂ ਦਾ ਨਤੀਜਾ ਅਜੇ ਪ੍ਰਾਪਤ ਨਹੀਂ ਹੋਇਆ ਅਤੇ ਜਦੋਂ ਵੀ ਇਹ ਨਤੀਜ ਪ੍ਰਾਪਤ ਹੋਵੇਗਾ ਤਾਂ ਇਸ ਦਾ ਐਲਾਨ ਕਰ ਦਿੱਤਾ ਜਾਵੇਗਾ।ਸ. ਮਲੂਕਾ ਨੇ ਕਿਹਾ ਕਿ ਭਾਰਤੀ ਮਹਿਲਾ ਕਬੱਡੀ ਟੀਮ ਦੇ ਡੋਪ ਟੈਸਟ ਦੇ ਸੈਂਪਲ ਵੀ ਲੈਬਾਰਟਰੀ ਭੇਜੇ ਗਏ ਹਨ ਅਤੇ ਜਦੋਂ ਵੀ ਇਹ ਨਤੀਜਾ ਪ੍ਰਾਪਤ ਹੋਵੇਗਾ ਤਾਂ ਇਸ ਦਾ ਵੀ ਐਲਾਨ ਕਰ ਦਿੱਤਾ ਜਾਵੇਗਾ। ਉਨ•ਾਂ ਕਿਹਾ ਕਿ ਭਾਰਤੀ ਖਿਡਾਰੀਆਂ ਦਾ ਦੂਜੀ ਵਾਰ ਡੋਪ ਟੈਸਟ ਵਿਸ਼ਵ ਕੱਪ ਦੌਰਾਨ ਹੋਵੇਗਾ। ਉਨ•ਾਂ ਕਿਹਾ ਕਿ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਵੱਲੋਂ ਕਬੱਡੀ ਨੂੰ ਡੋਪ ਮੁਕਤ ਕਰਨ ਦੇ ਸੁਫਨੇ ਨੂੰ ਪੂਰਾ ਕਰਦਿਆਂ ਇਸ ਦੀ ਸ਼ੁਰੂਆਤ ਭਾਰਤੀ ਕਬੱਡੀ ਟੀਮ ਦੇ ਸਮੂਹ ਖਿਡਾਰੀਆਂ ਦੇ ਡੋਪ ਟੈਸਟਾਂ ਤੋਂ ਹੋਈ ਅਤੇ ਇਹ ਕੋਸ਼ਿਸ਼ ਸਫਲ ਰਹੀ।ਉਨ•ਾਂ ਕਿਹਾ ਕਿ ਤੀਸਰੇ ਵਿਸ਼ਵ ਕੱਪ ਕਬੱਡੀ 2012 ਨੂੰ ਪੂਰਨ ਤੌਰ ’ਤੇ ਡੋਪ ਮੁਕਤ ਰੱਖਣ ਦੇ ਟੀਚੇ ਲਈ ਭਾਰਤ ਨੇ ਦੂਜੇ ਮੁਲਕਾਂ ਅੱਗੇ ਉਦਹਾਰਨ ਪੇਸ਼ ਕਰਦਿਆਂ ਆਪਣੇ ਖਿਡਾਰੀਆਂ ਦੀ ਚੋਣ ਹੀ ਡੋਪ ਟੈਸਟ ਦੇ ਆਧਾਰ ’ਤੇ ਕੀਤੀ ਗਈ। ਉਨ•ਾਂ ਕਿਹਾ ਕਿ ਭਾਰਤੀ ਟੀਮਾਂ ਦੇ ਟਰਾਇਲਾਂ ਦੌਰਾਨ ਹੀ ਡੋਪ ਟੈਸਟ ਲਾਜ਼ਮੀ ਕੀਤੇ ਗਏ।

ਤੀਸਰਾ ਵਿਸ਼ਵ ਕੱਪ ਕਬੱਡੀ 2012

ਸੰਗਰੂਰ ਵਿਖੇ ਭਾਰਤੀ ਮਹਿਲਾ ਕਬੱਡੀ ਟੀਮ ਕਰੇਗੀ ਵਿਸ਼ਵ ਕੱਪ ਸਫਰ ਦਾ ਆਗਾਜ਼

• ਵਾਰ ਹੀਰੋਜ਼ ਸਟੇਡੀਅਮ ਵਿਖੇ ਭਲਕੇ ਖੇਡੇ ਜਾਣਗੇ ਚਾਰ ਮੈਚ

• ਅਫਗਾਨਸਿਤਾਨ ਵਿਰੁੱਧ ਖੇਡੇਗੀ ਭਾਰਤੀ ਪੁਰਸ਼ ਟੀਮ

ਸੰਗਰੂਰ/ਚੰਡੀਗੜ•, 5 ਦਸੰਬਰ/ ਕੁਲਵੀਰ ਕਲਸੀ/ਸੰਗਰੂਰ ਦੇ ਵਾਰ ਹੀਰੋਜ਼ ਸਟੇਡੀਅਮ ਵਿਖੇ ਭਲਕੇ ਤੀਸਰੇ ਵਿਸ਼ਵ ਕੱਪ ਕਬੱਡੀ 2012 ਦੇ ਚਾਰ ਮੈਚ ਖੇਡੇ ਜਾਣਗੇ ਜਿਨ•ਾਂ ਵਿੱਚ ਦੋ ਮੈਚ ਪੁਰਸ਼ ਅਤੇ ਦੋ ਹੀ ਮੈਚ ਔਰਤ ਵਰਗ ਦੇ ਖੇਡੇ ਜਾਣਗੇ। ਭਾਰਤੀ ਮਹਿਲਾ ਕਬੱਡੀ ਟੀਮ ਪਹਿਲੀ ਵਾਰ ਖੇਡਣ ਆਈ ਯੂਰੋਪੀਅਨ ਟੀਮ ਡੈਨਮਾਰਕ ਵਿਰੁੱਧ ਆਪਣੇ ਵਿਸ਼ਵ ਕੱਪ ਦੇ ਸਫਰ ਦਾ ਆਗਾਜ਼ ਕਰੇਗੀ। ਦੂਜੇ ਪਾਸੇ ਪੁਰਸ਼ ਵਰਗ ਦੀ ਪਿਛਲੀ ਵਾਰ ਦੀ ਚੈਂਪੀਅਨ ਭਾਰਤ ਅਤੇ ਉਪ ਜੇਤੂ ਕੈਨੇਡਾ ਦੀਆਂ ਟੀਮਾਂ ਵੀ ਆਪੋ-ਆਪਣੇ ਲੀਗ ਮੈਚ ਖੇਡਣਗੀਆਂ।ਭਾਰਤੀ ਮਹਿਲਾ ਕਬੱਡੀ ਟੀਮ ਦਾ ਭਲਕੇ ਪਹਿਲਾ ਮੈਚ ਡੈਨਮਾਰਕ ਨਾਲ ਹੈ। ਡੈਨਮਾਰਕ ਦੀ ਟੀਮ ਪਹਿਲੀ ਵਾਰ ਵਿਸ਼ਵ ਕੱਪ ਵਿੱਚ ਖੇਡਣ ਆਈ ਹੈ ਜਦੋਂ ਕਿ ਭਾਰਤੀ ਮਹਿਲਾ ਟੀਮ ਪਿਛਲੀ ਵਾਰ ਦੀ ਚੈਂਪੀਅਨ ਹੋਣ ਕਰ ਕੇ ਵੱਡੀ ਦਾਅਵੇਦਾਰ ਹੈ। ਮਹਿਲਾ ਵਿਸ਼ਵ ਕੱਪ ਦਾ ਦੂਜਾ ਮੁਕਾਬਲਾ ਤੁਰਕਮੇਨਸਿਤਾਨ ਤੇ ਅਮਰੀਕਾ ਦੀਆਂ ਟੀਮਾਂ ਵਿਚਾਲੇ ਖੇਡਿਆ ਜਾਵੇਗਾ। ਅਮਰੀਕਾ ਦੀ ਟੀਮ ਪਿਛਲੀ ਵਾਰ ਤੀਜੇ ਅਤੇ ਤੁਰਕਮੇਨਸਿਤਾਨ ਦੀ ਟੀਮ ਚੌਥੇ ਸਥਾਨ ’ਤੇ ਆਈ ਸੀ। ਮਹਿਲਾ ਵਿਸ਼ਵ ਕੱਪ ਦੀ ਇਨਾਮੀ ਰਾਸ਼ੀ 25 ਲੱਖ ਰੁਪਏ ਤੋਂ ਵਧਾ ਕੇ 51 ਲੱਖ ਰੁਪਏ ਕੀਤੀ ਹੋਣ ਕਾਰਨ ਮਹਿਲਾ ਵਰਗ ਦੇ ਮੁਕਾਬਲੇ ਖਾਸ ਖਿੱਚ ਦਾ ਕੇਂਦਰ ਹਨ।ਪੁਰਸ਼ ਵਰਗ ਵਿੱਚ ਦੋਵੇਂ ਮੈਚ ਸੰਗਰੂਰ ਦੇ ਦਰਸ਼ਕਾਂ ਲਈ ਦਿਲ ਖਿੱਚਵੇਂ ਹੋਣਗੇ। ਇਕ ਮੈਚ ਵਿੱਚ ਪਿਛਲੀ ਵਾਰ ਦੇ ਚੈਂਪੀਅਨ ਅਤੇ ਮੇਜ਼ਬਾਨ ਮੁਲਕ ਭਾਰਤ ਦਾ ਸਾਹਮਣਾ ਅਫਗਾਨਿਸਤਾਨ ਨਾਲ ਹੈ ਜਦੋਂ ਕਿ ਦੂਜੇ ਮੈਚ ਵਿੱਚ ਪਿਛਲੀ ਵਾਰ ਦੀ ਉਪ ਜੇਤੂ ਕੈਨੇਡਾ ਦੀ ਟੱਕਰ ਪਹਿਲੀ ਵਾਰ ਹਿੱਸਾ ਲੈਣ ਆਈ ਨਿਊਜ਼ੀਲੈਂਡ ਦੀ ਟੀਮ ਹੈ। ਭਾਰਤ ਤੇ ਕੈਨੇਡਾ ਦੀਆਂ ਟੀਮਾਂ ਇਸ ਵਾਰ ਵਿਸ਼ਵ ਕੱਪ ਦੀਆਂ ਤਕੜੀਆਂ ਦਾਅਵੇਦਾਰ ਹਨ ਅਤੇ ਦੋਵੇਂ ਟੀਮਾਂ ਲੀਗ ਮੈਚਾਂ ਤੋਂ ਹੀ ਆਪਣੀ ਦਾਅਵੇਦਾਰ ਮਜ਼ਬੂਤ ਕਰਨ ਲਈ ਮੈਦਾਨ ਵਿੱਚ ਉਤਰਨਗੀਆਂ।