ਨਾਭਾ ਰਾਸ਼ਨ ਡਿੱਪੂ ਹੋਲਡਰਾਂ ਦੀ ਅਣਮਿੱਥੇ ਸਮੇਂ ਦੀ ਹੜਤਾਲ ਜਾਰੀ

ਐਸੋਸੀਏਸ਼ਨ ਨੇ ਹਲਕਾ ਇੰਚਾਰਜ਼ ਨੂੰ ਆਪਣੀਆਂ ਸਮੱਸਿਆਵਾਂ ਦੱਸੀਆਂ।

ਨਾਭਾ, 25 ਦਸੰਬਰ (ਜਸਬੀਰ ਸਿੰਘ ਸੇਠੀ)-ਅੱਜ ਸਥਾਨਕ ਬਲਾਕ ਦੇ ਸਮੂਹ ਰਾਸ਼ਨ ਡਿੱਪੂ ਹੋਲਡਰ ਐਸੋਸੀਏਸ਼ਨ ਦੀ ਇੱਕ ਸਾਂਝੀ ਮੀਟਿੰਗ ਆਯੋਜਿਤ ਕੀਤੀ ਗਈ ਜਿਸ ਦੀ ਅਗਵਾਈ ਐਸੋਸੀਏਸ਼ਨ ਦੇ ਪ੍ਰਧਾਨ ਸੁਭਾਸ਼ ਚੰਦਰ ਅਤੇ ਨਰੇਸ਼ ਸ਼ਰਮਾ ਨੇ ਕੀਤੀ। ਇਸ ਮੀਟਿੰਗ ਵਿੱਚ ਵਿਚਾਰ ਕੀਤਾ ਗਿਆ ਕਿ ਰਾਸ਼ਨ ਡਿੱਪੂ ਹੋਲਡਰ ਨੂੰ ਬਿਨਾਂ ਕਿਸੇ ਤਨਖਾਹ ਜਾਂ ਉਚਿਤ ਕਮਿਸ਼ਨ ਦੇ ਹਰ ਮਹੀਨੇ ਜਨਤਾ ਨੂੰ ਸਰਕਾਰੀ ਵਸਤਾਂ ਦੀ ਸਪਲਾਈ ਕਰਨੀ ਪੈ ਰਹੀ ਹੈ ਜਿਸ ਲਈ ਸਰਕਾਰ ਵੱਲੋਂ ਕੋਈ ਵੀ ਖਰਚਾ ਅਤੇ ਤਨਖਾਹ ਆਦਿ ਨਹੀ ਦਿੱਤੀ ਜਾ ਰਹੀ ਹੈ ਜਦਕਿ ਪ੍ਰਤੀ ਮਹੀਨੇ ਜਨਤਕ ਵੰਡ ਪ੍ਰਣਾਲੀ ਦੇ ਲਾਭਪਾਤਰੀਆਂ ਤੱਕ ਸਰਕਾਰੀ ਵਸਤਾਂ ਦੀ ਸਪਲਾਈ ‘ਤੇ ਸੱਤ ਹਜ਼ਾਰ ਅਤੇ ਘਰੇਲੂ ਖਰਚ ‘ਤੇ ਦਸ ਹਜ਼ਾਰ ਰੁਪਏ ਦੇ ਖਰਚ ਸਮੇਤ ਕੁੱਲ ਸਤਾਰਾਂ ਹਜ਼ਾਰ ਦੇ ਖਰਚੇ ਕਰਨੇ ਪੈ ਰਹੇ ਹਨ ਜਿਸ ਕਾਰਨ ਸਮੂਹ ਰਾਸ਼ਨ ਡਿੱਪੂ ਹੋਲਡਰਾਂ ਨੂੰ ਪ੍ਰਤੀ ਮਹੀਨੇ ਭਾਰੀ ਆਰਥਿਕ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਪ੍ਰੈਲ, ਮਈ ਮਹੀਨੇ ਦੀ ਡਿੱਪੂ ਹੋਲਡਰਾਂ ਦੀ ਸੂਬਾ ਪੱਧਰੀ ਹੜਤਾਲ ਦੋਰਾਨ ਸਰਕਾਰ ਨੇ ਵਾਅਦਾ ਕੀਤਾ ਸੀ ਕਿ ਰਾਸ਼ਨ ਡਿੱਪੂ ਹੋਲਡਰ ਨੂੰ ਪ੍ਰਤੀ ਮਹੀਨੇ 11300 ਰੁਪਏ ਤਨਖਾਹ ਅਤੇ ਹੋਰ ਯੋਗ ਖਰਚੇ ਵੀ ਅਦਾ ਕੀਤੇ ਜਾਣਗੇ ਜਿਨ•ਾਂ ਨੂੰ ਐਲਾਨਿਆ ਅੱਜ ਅੱਠ ਮਹੀਨੇ  ਬੀਤ ਜਾਣ ਬਾਵਜੂਦ ਪੂਰਾ ਨਹੀ ਕੀਤਾ ਗਿਆ ਹੈ ਜਿਸ ਪ੍ਰਤੀ ਸਮੂਹ ਰਾਸ਼ਨ ਡਿੱਪੂ ਹੋਲਡਰਾਂ ਵਿੱਚ ਭਾਰੀ ਰੋਸ ਹੈ। ਇਸ ਲਈ ਸਮੂਹ ਨਾਭਾ ਦੇ ਰਾਸ਼ਨ ਡਿੱਪੂ ਹੋਲਡਰਾਂ ਵੱਲੋਂ 17 ਦਸੰਬਰ ਤੋ ਚੱਲ ਰਹੀ ਅਣਮਿੱਥੇ ਸਮੇਂ ਦੀ ਹੜਤਾਲ ਨੂੰ ਜਾਰੀ ਰੱਖਣ ਦਾ ਫੈਸਲਾ ਕੀਤਾ ਗਿਆ ਹੈ ਅਤੇ ਇਸ ਹੜਤਾਲ ਦੋਰਾਨ ਨਾਭਾ ਹਲਕੇ ਦਾ ਕੋਈ ਵੀ ਡਿੱਪੂ ਹੋਲਡਰ ਸਰਕਾਰੀ ਵਸਤਾਂ ਦੀ ਸਪਲਾਈ ਨਹੀ ਚੁੱਕੇਗਾ ਅਤੇ ਨਾ ਹੀ ਵੰਡੇਗਾ। ਐਸੋਸੀਏਸ਼ਨ ਦੇ ਇਸ ਮਤੇ ਨੂੰ ਸਰਕਾਰੀ ਵਿਭਾਗ ਤੱਕ ਪਹੁੰਚਾ ਦਿੱਤਾ ਗਿਆ ਹੈ।  ਇਸ ਤੋ ਬਾਦ ਸਮੂਹ ਰਾਸ਼ਨ ਡਿੱਪੂ ਹੋਲਡਰਾਂ ਨੇ ਸਥਾਨਕ ਸਰਵਪ੍ਰਿਯਾ ਹੋਟਲ ਵਿਖੇ ਇੱਕ ਸਾਦਾ ਸਮਾਗਮ ਆਯੋਜਿਤ ਕੀਤਾ ਜਿਸ ਦੋਰਾਨ ਡਿੱਪੂ ਹੋਲਡਰਾਂ ਵੱਲੋਂ ਨਾਭਾ ਦੇ ਨਵ ਨਿਯੁਕਤ ਹਲਕਾ ਇੰਚਾਰਜ਼ ਮੱਖਣ ਸਿੰਘ ਲਾਲਕਾ ਨੂੰ ਸਿਰੋਪਾਉ ਅਤੇ ਸੀਰੀ ਸਾਹਿਬ ਦੇ ਸਨਮਾਨਿਤ ਕੀਤਾ ਅਤੇ ਆਪਣੀਆਂ ਮੁਸ਼ਕਿਲਾਂ ਹਲਕਾ ਇੰਚਾਰਜ਼ ਲਾਲਕਾ ਸਾਹਮਣੇ ਰੱਖੀਆਂ ਅਤੇ ਸਰਕਾਰ ਦੇ ਤਨਖਾਹ ਦੇਣ ਦੇ ਵਾਅਦੇ ਬਾਰੇ ਯਾਦ ਕਰਵਾਇਆ। ਡਿੱਪੂ ਹੋਲਡਰਾਂ ਨੇ ਦੱਸਿਆ ਕਿ ਉਹ ਸਰਕਾਰੀ ਅਨਾਜ਼ ਦੀ ਰਖਵਾਲੀ, ਲਿੱਖਣ ਅਤੇ ਮਜਦੂਰੀ ਆਦਿ ਤਿੰਨੋ ਕੰਮ ਆਪਣੇ ਖਰਚਿਆਂ ‘ਤੇ ਕਰਦੇ ਹਨ ਪਰੰਤੂ ਸਰਕਾਰ ਵੱਲੋਂ ਇੱਕ ਧੇਲਾ ਵੀ ਨਹੀ ਦਿੱਤਾ ਜਾ ਰਿਹਾ ਹੈ। ਇਨ•ਾਂ ਸਮੱਸਿਆਵਾਂ ਸੁਣਨ ‘ਤੇ ਹਲਕਾ ਇੰਚਾਰਜ਼ ਲਾਲਕਾ ਨੇ ਸਮੂਹ ਡਿੱਪੂ ਹੋਲਡਰਾਂ ਦੀਆਂ ਮੰਗਾਂ ਨੂੰ ਮੰਨਦੇ ਹੋਏ ਯਕੀਨ ਦਿਵਾਇਆ ਕਿ ਉਹ ਜਲਦ ਹੀ ਡਿੱਪੂ ਹੋਲਡਰਾਂ ਦੀ ਬਗੈਰ ਆਮਦਨ ਤੋ ਕੀਤੀ ਜਾ ਰਹੀ ਸੇਵਾ ਬਦਲੇ ਝੱਲੀਆਂ ਜਾ ਰਹੀਆਂ ਪਰੇਸ਼ਾਨੀਆਂ ਦੇ ਸੰਬੰਧ ਵਿੱਚ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਖੁਰਾਕ ਸਪਲਾਈ ਮੰਤਰੀ ਆਦੇਸ਼ ਪ੍ਰਤਾਪ ਸਿੰਘ ਕੈਰੋਂ ਨਾਲ ਮੀਟਿੰਗ ਕਰਨਗੇ ਅਤੇ ਡਿੱਪੂ ਹੋਲਡਰਾਂ ਦੀਆਂ ਮੰਗਾਂ ਸਰਕਾਰ ਤੋ ਹੱਲ ਕਰਵਾਉਣਗੇ। ਇਸ ਮੌਕੇ ਹੋਰਨਾਂ ਤੋ ਇਲਾਵਾ ਅਕਾਲੀ ਦਲ ਦੇ ਜਨਰਲ ਮੈਂਬਰ ਕੋਂਸਲ ਅਸ਼ੌਕ ਬਾਂਸਲ, ਸੁਭਾਸ਼ ਚੰਦ ਪ੍ਰਧਾਨ ਡਿੱਪੂ ਹੋਲਡਰ ਐਸੋਸੀਏਸ਼ਨ, ਨਰੇਸ਼ ਸ਼ਰਮਾ, ਇੰਦਰਜੀਤ ਸਿੰਘ, ਰਮੇਸ਼ ਬਾਂਸਲ, ਵਲੈਤੀ ਰਾਮ,  ਜਸਵੀਰ ਸਿੰਘ ਛਿੰਦਾ, ਸੁਰਿੰਦਰ ਕੁਮਾਰ ਬੌੜਾ ਗੇਟ, ਵਿਕਾਸ ਕੁਮਾਰ, ਦੇਵੀ ਸ਼ਰਮਾ, ਸੰਜੀਵ ਸ਼ਰਮਾ, ਦਿਨੇਸ਼ ਕੁਮਾਰ, ਪਰਮਜੀਤ ਸਿੰਘ, ਪਰਮਜੀਤ ਸਿੰਘ ਸਰਾਉ, ਭੁਵਨੇਸ਼ ਕੁਮਾਰ ਆਦਿ ਸਮੇਤ ਭਾਰੀ ਗਿਣਤੀ ਵਿੱਚ ਡਿੱਪੂ ਹੋਲਡਰ ਮੌਜੂਦ ਰਹੇ।