ਪੁਲਿਸ ਵੱਲੋਂ ਵੀ ਗੁੰਡਾਗਰਦੀ ਕਰਨ ਵਾਲਿਆਂ ਦਾ ਪੱਖ ਪੂਰਨ ਤੇ ਪੰਜਾਬ ਦਹਿਸ਼ਤ ਮਾਹੌਲ-ਐਸ ਸੀ ਸੈੱਲ

ਕੋਟਕਪੂਰਾ/10ਦਸੰਬਰ (ਜੇ.ਆਰ.ਅਸੋਕ) ਫ਼ਰੀਦਕੋਟ ਵਿਖੇ ਸ਼ਰੂਤੀ ਅਗਵਾ ਕਾਂਡ ਮਾਮਲੇ ਦੀ ਗੱਲ ਅਜੇ ਲੋਕਾਂ ਦੀ ਜ਼ੁਬਾਨ ਤੋਂ ਉਤਰੀ ਨਹੀਂ ਸੀ ਕਿ ਅੰਮ੍ਰਿਤਸਰ ਵਿਖੇ ਆਪਣੀ ਧੀ ਦੀ ਇੱਜ਼ਤ ਦੀ ਰਾਖੀ ਕਰ ਰਹੇ ਇਕ ਠਾਣੇਦਾਰ ਦਾ ਦਿਨ ਦਿਹਾੜੇ ਕਤਲ ਕਰ ਦਿੱਤਾ ਗਿਆ, ਇਹ ਘਟਨਾ ਅਜੇ ਤਾਜ਼ਾ ਹੀ ਸੀ ਕਿ ਹਲਕਾ ਗਿੱਦੜਬਾਹਾ ( ਸ੍ਰੀ ਮੁਕਤਸਰ ਸਾਹਿਬ ) ਵਿਖੇ ਅਕਾਲੀ ਵਰਕਰਾਂ ਨੇ ਸ਼ਰੇਆਮ ਫ਼ਾਇਰਿੰਗ ਕਰਕੇ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ। ਅਕਾਲੀਆਂ ਨੇ ਗੁੰਡਿਆਂ ਨੂੰ ਸ਼ਹਿ ਦਿੱਤੀ ਹੋਈ ਹੈ। ਇਹ ਵਿਚਾਰ ਦਰਸ਼ਨ ਸਿੰਘ ਢਿਲਵਾਂ ਕਲਾਂ ਸੂਬਾ ਜਥੇਬੰਦਕ ਸਕੱਤਰ ਪੰਜਾਬ ਪ੍ਰਦੇਸ਼ ਕਾਂਗਰਸ ਅਨੁਸੂਚਿਤ ਜਾਤੀ ਵਿੰਗ ਨੇ ਕਿਹਾ ਕਿ ਪ੍ਰਕਾਸ਼ ਸਿੰਘ ਬਾਦਲ ਮੁਖ ਮੰਤਰੀ ਪੰਜਾਬ ਦਾ ਜਨਮ ਦਿਹਾੜਾ ਫ਼ਾਇਰਿੰਗ ਕਰਕੇ ਨਹੀਂ ਸਗੋਂ ਸਮਾਜ ਪ੍ਰਤੀ ਚੰਗਾ ਸੰਕਲਪ ਕਰਕੇ ਮਨਾਉਣਾ ਚਾਹੀਦਾ ਸੀ।  ਢਿਲਵਾਂ ਨੇ ਕਿਹਾ ਕਿ ਸੂਬੇ ਅੰਦਰ ਔਰਤਾਂ ਆਪਣੇ ਆਪ ਨੂੰ ਅਸੁਰੱਖਿਅਤ ਮਹਿਸੂਸ ਕਰ ਰਹੀਆਂ ਹਨ। ਰਾਜ ਦੀ ਪੁਲਿਸ ਵੱਲੋਂ ਵੀ ਗੁੰਡਾਗਰਦੀ ਕਰਨ ਵਾਲਿਆਂ ਦਾ ਪੱਖ ਪੂਰਿਆ ਜਾ ਰਿਹਾ ਹੈ। ਜਿਸ ਕਾਰਨ ਆਮ ਆਦਮੀ ਦੀ ਥਾਣਿਆਂ ਅੰਦਰ ਕੋਈ ਸੁਣਵਾਈ ਨਹੀਂ ਹੋ ਰਹੀ ਅਤੇ ਭ੍ਰਿਸ਼ਟਾਚਾਰ ਦਿਨੋ ਦਿਨ ਵਧ ਰਿਹਾ ਹੈ। ਉਨ•ਾਂ ਕਿਹਾ ਕਿ ਐਸ ਸੀ ਵਿੰਗ ਸੂਬੇ ਅੰਦਰ ਦਿਨ-ਬ-ਦਿਨ ਵਧ ਰਹੀਆਂ ਗੁੰਡਾਗਰਦੀ ਦੀਆਂ ਘਟਨਾਵਾਂ ’ਤੇ ਚਿੰਤਾ ਦੀ ਪ੍ਰਗਟਾਵਾ ਕਰਦਾ ਹੈ ਅਤੇ ਮੰਗ ਕਰਦਾ ਹੈ ਕਿ ਪੰਜਾਬ ਸਰਕਾਰ ਆਪਣੀ ਪਾਰਟੀ ਦੇ ਵਰਕਰਾਂ ਨੂੰ ਸੰਜਮ ਤੋਂ ਕੰਮ ਲੈਣ ਦੀਆਂ ਹਦਾਇਤਾਂ ਜਾਰੀ ਕਰੇ ਤਾਂ ਜੋ ਅਜਿਹੀਆਂ ਘਟਨਾਵਾਂ ਨੂੰ ਭਵਿੱਖ ਵਿਚ ਠੱਲ• ਪੈ ਸਕੇ। ਇਸ ਸਮੇਂ ਗੁਰਮੇਲ ਸਿੰਘ ਲਾਲੇਆਣਾ , ਜਲੌਰ ਸਿੰਘ ਸਿਰਸੜੀ, ਮਲਕੀਤ ਸਿੰਘ ਦੇਵੀਵਾਲਾ, ਡਾ. ਚਮਕੌਰ ਸਿੰਘ ਸੂਰਘੂਰੀ, ਜਸਵੀਰ ਸਿੰਘ, ਜਸਪਾਲ ਸਿੰਘ, ਭੱਟੀਆਂ ਵੀ ਉਨ•ਾਂ ਦੇ ਨਾਲ ਸਨ।