ਕੰਡਕਟਰ ਦੀ ਕੁਟਮਾਰ ਕਰਨ ‘ਤੇ 8 ਖ਼ਿਲਾਫ਼ ਪਰਚਾ ਦਰਜ

ਸ਼ਹਿਣਾ/ਭਦੌੜ 30 ਨਵੰਬਰ (ਸਾਹਿਬ ਸੰਧੂ)-ਬੀਤੇ ਦਿਨ ਪਖੋਂ ਕੈਂਚੀਆਂ ਤੇ ਬਸ ਕੰਡਕਟਰ ਦੀ ਟਿਕਟ ਕਟਣ ਦੇ ਝਗੜੇ ਨੂੰ ਲੈ ਕੇ ਪੜਨ ਵਾਲਿਆਂ ਵਲੋਂ ਕੀਤੀ ਗਈ ਕੁਟਮਾਰ ਕਾਰਨ ਪੁਲਿਸ ਨੇ ਅਠ ਜਾਣਿਆ ‘ਤੇ ਕੇਸ ਦਰਜ ਕਰ ਲਿਆ ਹੈ। ਥਾਣਾ ਸ਼ਹਿਣਾ ਦੇ ਐਸ.ਐਚ.ਓ. ਹਰਵਿੰਦਰ ਸਿੰਘ ਨੇ ਦਸਿਆਂ ਕਿ ਪੁਲਿਸ ਵਲੋਂ ਗ੍ਰਿਫ਼ਤਾਰੀ ਲਈ ਛਾਪੇ ਮਾਰੇ ਜਾ ਰਹੇ ਹਨ। ਪੁਲਿਸ ਵਲੋਂ ਪੜਨ ਵਾਲਿਆਂ ‘ਤੇ ਪਰਚਾ ਦਰਜ ਕੀਤੇ ਜਾਣ ਦੇ ਵਿਰੋਧ ‘ਚ ਭਾਰਤੀ ਕਿਸਾਨ ਯੂਨੀਅਨ ਏਕਤਾ (ਡਕੌਂਦਾ) ਨੇ ਸੰਘਰਸ਼ ਦਾ ਬਿਗੁਲ ਵਜਾ ਦਿਤਾ ਹੈ। ਜ਼ਿਲ ਪ੍ਰਧਾਨ ਦਰਸ਼ਨ ਸਿੰਘ ਉਗੋਕੇ ਨੇ ਕਿਹਾ ਕਿ ਥਾਣੇ ਅਗੇ ਧਰਨਾ ਦੇਣ ਲਈ ਮੀਟਿੰਗ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਜੇਕਰ ਪਰਚਾ ਰਦ ਨਾ ਕੀਤਾ ਗਿਆ ਤਾਂ ਸੰਘਰਸ਼ ਤੇਜ਼ ਕੀਤਾ ਜਾਵੇਗਾ।