ਕੈਂਸਰ ਦੇ ਦੈਂਤ ਨੇ ਇੱਕ ਹੋਰ ਗਰੀਬ ਘਰ ਦਾ ਦੀਵਾ ਕੀਤਾ ਗੁੱਲ

ਅੱਖ ਦੇ ਕੈਂਸਰ ਨਾਲ ਪੀੜਤ ਬੱਚੇ ਜਸਨਦੀਪ ਦੀ ਇਲਾਜ਼ ਲਈ ਯੋਗ ਰਾਸ਼ੀ ਨਾ ਹੋਣ ਕਾਰਨ ਹੋਈ ਮੌਤ

ਇਲਾਜ਼ ਲਈ ਮੀਡੀਆ ਰਾਹੀ ਬੱਚੇ ਨੂੰ 30 ਹਜ਼ਾਰ ਤੋਂ ਉਪਰ ਮਿਲ ਚੁੱਕੀ ਸੀ ਸਹਾਇਤਾ ਰਾਸ਼ੀ

ਸ਼ਹਿਣਾ/ਭਦੌੜ 27 ਅਕਤੂਬਰ (ਸਾਹਿਬ ਸੰਧੂ) ਇੱਕ ਪਾਸੇ ਸਰਕਾਰ ਜਿਥੇ ਪੰਜਾਬ ਸਰਕਾਰ ਕੈਂਸਰ ਵਰਗੀ ਅਲਾਮਤ ਨੂੰ ਖਤਮ ਕਰਨ ਲਈ ਬਿਆਨ ਦਿੰਦੀ ਨਹੀ ਥੱਕ ਰਹੀ ਤੇ ਸਰਕਾਰ ਵੱਲੋਂ ਗਰੀਬਾਂ ਦੀ ਸਹਾਇਤਾ ਪਹਿਲ ਦੇ ਅਧਾਰ ਤੇ ਕਰਨ ਦੀ ਗੱਲ ਆਖੀ ਜਾ ਰਹੀ ਹੈ ਪੰ੍ਰਤੂ ਸਚਾਈ ਕੁੱਝ ਹੋਰ ਹੀ ਹੈ ਤੇ ਕੈਂਸਰ ਨਾਲ ਪੀੜਤ ਹੋਲੀ ਹੋਲੀ ਮੌਤ ਦੇ ਮੂੰਹ ਵਿੱਚ ਜਾ ਰਹੇ ਹਨ। ਇਸ ਤਰਾਂ ਹੀ ਪਿਛਲੇ ਦਿਨੀ ਜਿਲ•ਾ ਬਰਨਾਲਾ ਦੇ ਪਿੰਡ ਉਗੋਕੇ ਦੇ ਤਿੰਨ ਸਾਲਾਂ ਬੱਚੇ ਜ਼ਸਨਦੀਪ ਸਿੰਘ ਜੋ ਕਿ ਖੱਬੀ ਅੱਖ ਤੋਂ ਕੈਂਸਰ ਤੋਂ ਪੀੜਤ ਸੀ ਦੇ ਇਲਾਜ਼ ਲਈ ਮੀਡੀਆ ਰਾਹੀ ਸਹਾਇਤਾ ਰਾਸ਼ੀ ਮੰਗੀ ਸੀ ਅਤੇ ਉਕਤ ਬੱਚੇ ਦੇ ਇਲਾਜ਼ ਲਈ ਲੱਖਾਂ ਰੁਪਏ ਦੀ ਰਾਸ਼ੀ ਦੀ ਜਰੂਰਤ ਸੀ ਤੇ ਮੀਡੀਆ ਰਾਹੀ ਉਕਤ ਬੱਚੇ ਨੂੰ 30.000 ਤੋਂ ਉਪਰ ਦੀ ਸਹਾਇਤਾ ਰਾਸ਼ੀ ਮਿਲ ਵੀ ਚੁੱਕੀ ਸੀ ਤੇ ਇਲਾਜ਼ ਲਈ ਹੋਰ ਪੈਸਾ ਨਾ ਹੋਣ ਕਾਰਨ ਉਕਤ ਬੱਚੇ ਦੀ ਅੱਜ਼ ਮੌਤ ਹੋ ਗਈ। ਉਕਤ ਤਿੰਨ ਸਾਲਾਂ ਬੱਚੇ ਦੀ ਮੌਤ ਨਾਲ ਪੂਰੇ ਪਿੰਡ ਵਿੱਚ ਮਾਤਮ ਦਾ ਮਾਹੌਲ ਬਣਿਆ ਹੋਇਆ ਹੈ। ਬੱਚੇ ਦੇ ਗਰੀਬ ਮਾਂ ਬਾਪ ਧਨਾਂਢ ਲੋਕਾਂ ਦੇ ਘਰ ਸੀਰੀ ਪਾਲੀ ਰਲ ਆਪਣਾ ਗੁਜ਼ਾਰਾ ਕਰ ਰਹੇ ਹਨ ਅਤੇ ਜ਼ਸਨਦੀਪ ਸਿੰਘ ਦੀ ਮੌਤ ਤੋਂ ਬਆਦ ਉਸ ਦਾ ਦੋ ਸਾਲ ਦਾ ਇੱਕ ਛੋਟਾ ਭਰਾ ਪਿਛੇ ਰਹਿ ਗਿਆ ਹੈ। ਪਰਿਵਾਰ ਨੇ ਭਰੇ ਮਨ ਨਾਲ ਦੱਸਿਆ ਕਿ ਉਹਨਾਂ ਨੂੰ ਜ਼ੇਕਰ ਇਲਾਜ਼ ਲਈ ਹੋਰ ਉਚਿੱਤ ਰਾਸ਼ੀ ਮਿਲ ਜਾਂਦੀ ਤਾਂ ਉਹਨਾਂ ਦੇ ਬੱਚੇ ਦੀ ਜਾਨ ਬਚ ਜਾਣੀ ਸੀ। ਖ਼ਬਰ ਲਿਖੇ ਜਾਣ ਤੱਕ ਬੱਚੇ ਦੇ ਅੰਿਤਮ ਕਿਰਿਆ ਕਰਮ ਕੀਤਾ ਜਾ ਰਿਹਾ ਸੀ।