ਕੋਟਕਪੂਰਾ 2ਅਕਤੂਬਰ ਜੇ ਆਰ ਅਸ’ਕ)ਬਾਸਮਤੀ 1121 ਦੀ ਹੱਬ ਵਜੋਂ ਜਾਣੀ ਜਾਂਦੀ ਮਾਲਵੇ ਦੀ ਪ੍ਰਸਿੱਧ ਅਨਾਜ ਮੰਡੀ ਵਿੱਚ ਅੱਜ ਬਾਸਮਤੀ 2430 ਰੁਪੈ ਪ੍ਰਤੀ ਕੁਇੰਟਲ ਦੇ ਹਿਸਾਬ ਵਜੋ ਵਿਕੀ, ਜੋ ਕਿ ਫਰੀਦਕੋਟ ਹੀ ਨਹੀ ਸਗੋਂ ਮੋਗਾ, ਫਿਰੋਜਪੁਰ, ਬਠਿੰਡਾ ਦੀਆਂ ਮੰਡੀਆਂ ਵਿੱਚ ਕਿਸਾਨਾਂ ਨੂੰ ਕੋਟਕਪੂਰਾ ਮੰਡੀ ਵਿੱਚ ਬਾਸਮਤੀ ਦਾ ਸਭ ਤੋਂ ਉਚਾ ਰੇਟ ਮਿਲ ਰਿਹਾ ਹੈ । ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਕੁਲਬੀਰ ਸਿੰਘ ਮੱਤਾ ਸਕੱਤਰ ਮਾਰਕਿਟ ਕਮੇਟੀ ਕੋਟਕਪੂਰਾ ਨੇ ਦੱਸਿਆ ਕਿ ਕੋਟਕਪੂਰਾ ਮੰਡੀ ਵਿੱਚ ਬਾਸਮਤੀ 1121 ਦੀ ਆਮਦ ਹੁਣ ਰਫ਼ਤਾਰ ਫੜ੍ਹ ਚੁੱਕੀ ਹੈ । ਇਸ ਮੰਡੀ ਵਿੱਚ ਬਾਹਰਲੇ ਵਪਾਰੀਆਂ ਵੱਲੋਂ ਬਾਸਮਤੀ ਦੀ ਖਰੀਦ ਕਰਨ ਆਉਣ ਕਰਕੇ ਇਸ ਮੰਡੀ ਵਿੱਚ ਕਿਸਾਨਾਂ ਨੂੰ ਉਚਾ ਰੇਟ ਮਿਲ ਰਿਹਾ ਹੈ ।
ਸਕੱਤਰ ਮੱਤਾ ਨੇ ਦੱਸਿਆ ਕਿ ਅੱਜ ਤੱਕ 10,000 ਹਜਾਰ ਕੁਇੰਟਲ ਬਾਸਮਤੀ ਕੋਟਕਪੂਰਾ ਮੰਡੀ ਵਿੱਚ ਵਿਕ ਚੁੱਕੀ ਹੈ, ਪਿਛਲੇ ਸਾਲ 3,50,000 ਹਜਾਰ ਕੁਇੰਟਲ ਤੋਂ ਉਪਰ ਬਾਸਮਤੀ ਕੋਟਕਪੂਰਾ ਮੰਡੀ ਵਿੱਚ ਆਈ ਸੀ, ਪ੍ਰੰਤੂ ਪਿਛਲੇ ਸਾਲ ਬਾਸਮਤੀ ਦਾ ਰੇਟ ਘੱਟ ਹੋਣ ਕਰਕੇ ਕਿਸਾਨਾਂ ਵੱਲੋਂ ਬਾਸਮਤੀ ਹੇਠ ਰਕਬਾ ਘਟਿਆ ਹੈ । ਇਹ ਰਕਬਾ ਝੋਨੇ ਜਾਂ ਹੋਰ ਫ਼ਸਲਾਂ ਹੇਠ ਇਸ ਵਾਰ ਕਿਸਾਨਾਂ ਨੇ ਲਿਆਂਦਾ ਹੈ, ਜਿਸ ਕਾਰਨ ਇਸ ਵਾਰ ਕੋਟਕਪੂਰਾ ਵਿਖੇ ਬਾਸਮਤੀ ਦੀ ਆਮਦ ਘਟਣ ਦੀ ਸੰਭਾਵਨਾ ਨੂੰ ਰੱਦ ਨਹੀ ਕੀਤਾ ਜਾ ਸਕਦਾ । ਸ਼੍ਰੀ ਮੱਤਾ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਬਾਸਮਤੀ ਨੂੰ ਸੁਕਾ ਅਤੇ ਸਾਫ ਸੁਥਰੀ ਕਰਨ ਉਪਰੰਤ ਹੀ ਮੰਡੀ ਵਿੱਚ ਲੈ ਕੇ ਆਉਣ ਤਾਂ ਜੋ ਕਿਸਾਨਾਂ ਨੂੰ ਉਨ੍ਹਾਂ ਦੀ ਫ਼ਸਲ ਦਾ ਲਾਹੇਵੰਦਾ ਰੇਟ ਮਿਲਣ ਦੇ ਨਾਲ-2 ਉਨ੍ਹਾਂ ਦੀ ਫ਼ਸਲ ਮੰਡੀ ਵਿੱਚ ਆਉਦਿਆਂ ਸਾਰ ਵਿਕ ਜਾਵੇ ।
ਸਕੱਤਰ ਮੱਤਾ ਨੇ ਦੱਸਿਆ ਕਿ ਹੁਣ ਕੋਟਕਪੂਰਾ ਮੰਡੀ ਵਿੱਚ ਝੋਨੇ ਦੀ ਆਮਦ ਮੱਧਮ ਹੋ ਗਈ ਹੈ ਅਤੇ ਬਾਸਮਤੀ 1121 ਕਿਸਮ ਦੇ ਝੋਨੇ ਦੀ ਆਮਦ ਵਿੱਚ ਨਿਰੰਤਰ ਵਾਧਾ ਹੋ ਰਿਹਾ ਹੈ
.JPG)
.JPG)
Post a Comment