ਕੋਟਕਪੂਰਾ ਮੰਡੀ ਵਿੱਚ ਵਿਕੀ ਬਾਸਮਤੀ 2651 ਨੂੰ - ਕੁਲਬੀਰ ਮੱਤਾ

ਕਟਕਪੂਰਾੇ 16 ਨਵੰਬਰ ਜੇ ਆਰ ਅਸੂਕ) ਮਾਲਵੇ ਦੀ ਪ੍ਰਸਿੱਧ ਅਨਾਜ ਮੰਡੀ ਕੋਟਕਪੂਰਾ ਵਿੱਚ ਅੱਜ ਬਾਸਮਤੀ 2651 ਰੁਪੈ ਪ੍ਰਤੀ ਕੁਇੰਟਲ ਦੇ ਹਿਸਾਬ ਵਜੋ ਵਿਕੀ, ਜੋ ਕਿ ਫਰੀਦਕੋਟ ਹੀ ਨਹੀ ਸਗੋਂ ਮੋਗਾ, ਫਿਰੋਜਪੁਰ, ਬਠਿੰਡਾ ਦੀਆਂ ਮੰਡੀਆਂ ਵਿੱਚ ਕਿਸਾਨਾਂ ਨੂੰ ਕੋਟਕਪੂਰਾ ਮੰਡੀ ਵਿੱਚ ਬਾਸਮਤੀ ਦਾ ਸਭ ਤੋਂ ਵੱਧ ਰੇਟ ਮਿਲ ਰਿਹਾ ਹੈ । ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਕੁਲਬੀਰ ਸਿੰਘ ਮੱਤਾ ਸਕੱਤਰ ਮਾਰਕਿਟ ਕਮੇਟੀ ਕੋਟਕਪੂਰਾ ਨੇ ਦੱਸਿਆ ਕਿ ਕੋਟਕਪੂਰਾ ਮੰਡੀ ਵਿੱਚ ਬਾਸਮਤੀ 1121 ਦੀ ਆਮਦ ਹੁਣ ਰਫ਼ਤਾਰ ਫੜ੍ਹ ਚੁੱਕੀ ਹੈ । ਇਸ ਮੰਡੀ ਵਿੱਚ ਬਾਹਰਲੇ ਵਪਾਰੀਆਂ ਵੱਲੋਂ ਬਾਸਮਤੀ ਦੀ ਖਰੀਦ ਕਰਨ ਆਉਣ ਕਰਕੇ ਇਸ ਮੰਡੀ ਵਿੱਚ ਕਿਸਾਨਾਂ ਨੂੰ ਵੱਧ ਰੇਟ ਮਿਲ ਰਿਹਾ ਹੈ ।
ਸਕੱਤਰ ਮੱਤਾ ਨੇ ਦੱਸਿਆ ਕਿ ਅੱਜ ਤੱਕ 1 ਲੱਖ 25 ਹਜਾਰ ਕੁਇੰਟਲ ਬਾਸਮਤੀ ਕੋਟਕਪੂਰਾ ਮੰਡੀ ਵਿੱਚ ਵਿਕ ਚੁੱਕੀ ਹੈ, ਪਿਛਲੇ ਸਾਲ 3,50,000 ਹਜਾਰ ਕੁਇੰਟਲ ਤੋਂ ਉਪਰ ਬਾਸਮਤੀ ਕੋਟਕਪੂਰਾ ਮੰਡੀ ਵਿੱਚ ਆਈ ਸੀ, ਪ੍ਰੰਤੂ ਪਿਛਲੇ ਸਾਲ ਬਾਸਮਤੀ ਦਾ ਰੇਟ ਘੱਟ ਹੋਣ ਕਰਕੇ ਕਿਸਾਨਾਂ ਵੱਲੋਂ ਬਾਸਮਤੀ ਹੇਠ ਰਕਬਾ ਘਟਿਆ ਹੈ । ਇਹ ਰਕਬਾ ਝੋਨੇ ਜਾਂ ਹੋਰ ਫ਼ਸਲਾਂ ਹੇਠ ਇਸ ਵਾਰ ਕਿਸਾਨਾਂ ਨੇ ਲਿਆਂਦਾ ਹੈ, ਜਿਸ ਕਾਰਨ ਇਸ ਵਾਰ ਕੋਟਕਪੂਰਾ ਵਿਖੇ ਬਾਸਮਤੀ ਦੀ ਆਮਦ ਘਟਣ ਦੀ ਸੰਭਾਵਨਾ ਨੂੰ ਰੱਦ ਨਹੀ ਕੀਤਾ ਜਾ ਸਕਦਾ । ਸ਼੍ਰੀ ਮੱਤਾ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਬਾਸਮਤੀ ਨੂੰ ਸੁਕਾ ਅਤੇ ਸਾਫ ਸੁਥਰੀ ਕਰਨ ਉਪਰੰਤ ਹੀ ਮੰਡੀ ਵਿੱਚ ਲੈ ਕੇ ਆਉਣ ਤਾਂ ਜੋ ਕਿਸਾਨਾਂ ਨੂੰ ਉਨ੍ਹਾਂ ਦੀ ਫ਼ਸਲ ਦਾ ਲਾਹੇਵੰਦਾ ਰੇਟ ਮਿਲਣ ਦੇ ਨਾਲ-2 ਉਨ੍ਹਾਂ ਦੀ ਫ਼ਸਲ ਮੰਡੀ ਵਿੱਚ ਆਉਦਿਆਂ ਸਾਰ ਵਿਕ ਜਾਵੇ ।
ਸਕੱਤਰ ਮੱਤਾ ਨੇ ਅੱਗੇ ਦੱਸਿਆ ਕਿ ਕੋਟਕਪੂਰਾ ਮੰਡੀ ਵਿੱਚ ਬਾਸਮਤੀ 1121 ਦਾ ਭਾਅ ਉਚਾ ਹੋਣ ਕਰਕੇ ਕਿਸਾਨ ਆਪਣੀ ਫ਼ਸਲ ਦੂਸਰਿਆਂ ਜ਼ਿਲਿਆ ਜਿਨ੍ਹਾਂ ਵਿੱਚ ਮੁਕਤਸਰ, ਫਿਰੋਜਪੁਰ, ਮੋਗਾ ਅਤੇ ਬਠਿੰਡਾ ਜਿਲਾ ਸ਼ਾਮਲ ਹਨ, ਉਥੋ ਲਿਆ ਕੇ ਆਪਣੀ ਬਾਸਮਤੀ ਵੇਚ ਰਹੇ ਹਨ, ਕਿਉਂਕਿ ਹੁਣ ਤੱਕ ਪੂਰੇ ਪੰਜਾਬ ਵਿੱਚ ਸਭ ਤੋਂ ਵੱਧ ਰੇਟ ਕੋਟਕਪੂਰਾ ਮੰਡੀ ਵਿੱਚ ਕਿਸਾਨਾਂ ਨੂੰ ਮਿਲ ਰਿਹਾ ਹੈ ।